Yoindia Shayariadab - Where emotions are expressed in words.

us ney mujh se ek baar poocha

by Fouad on August 09, 2007, 07:27:25 AM

Yoindia ShayariAdab > Shayri ( Poetry ) or Shayari > Shayri for Khumar -e- Ishq > Topic: us ney mujh se ek baar poocha

Pages: [1]

Author

(Read 560 times)

Fouad

Guest

us ney mujh sey ek baar poocha

kya tumhe meri yaad ne kabhi sataya hai
kahin kisi raat merey khwaab ne jagaya hai
kabhi aankh lagi hai meri yaad ki goud mai
tasavur main kabhi meri ungliyoun ne sulaya hai

main jawaab ussey kya deti
apni chahat ko kesey tolti
sou apni chahat ko main ney
khamosshi main lapeit liya

woh mere lafzoun ko dhoondta
bheegi aankhoun ko pounchtaa
merey qareeb khara raha

ussey tou arzoo-e-jawaab thi
aur meri khamoshi ek azaab thi
kaise kehti main ussey
mera har lafz tha us ki takhleeq
main ussi ki likhi ek kitaab thi

paltey jo qadam meri jaan kay
us kay shaanoun ko
apni kaanpti ungliyoun sey
main ney thaam liya

aur kaha !!

meri khamoshiyoun sey aisey badgumaan na hou
meri chahat jo kabhi mujh sey bayaan na hou
tou aey jaan !!
meri rooh main kisi shaam utar aana tum
ek ehsaan kerna phir na kabhi jaana tum
kay chand ka asmaan kay beghair
wujood bekaar hai !!


	Logged

Similar Poetry and Posts (Note: Find replies to above post after the related posts and poetry)
	Ek baar mujh dakha tu sakte hoon na by muneeb in Shayri-E-Dard
	tumhe baar baar dekhti hun by sandhaya in Shayri for Khumar -e- Ishq « 1 2 ... 43 44 »
	:: dil baar baar tujhi ko chahta kyun hai :: by myheart_ursonly in Shayri-E-Dard
	Us ne Mujh Se Ek Baar Poocha by Fouad in Shayri for Khumar -e- Ishq
	her baar wahin, her baar nahi,,,, by Pooja in Miscellaneous Shayri