Wafa Nahi to Jafaa HI sahi

Wafa nahin to jafaa hi sahi ,
Rahe koi to rabta tum se sahi

Bhale hum se baat na karen kabhi,  
Mukhatib humse teri nafrat  hi sahi

Izhar-e pyaar na karo to na sahi
Izhaar- e ulfat to tum karogi sahi

Guftagoo mein na hamein laao kanhi
Khayalon mein tumhare to rahenge sahi

Dooriyan hamse rahen to younhi sahi
Chahogi mujhe to tum hamesha sahi

Kehti ho chale jaaogi mujhse door kanhi
Wanha bhi hum yaad aayen to kya karogi

Shihab Saheb,

Aap jaise dad dene wale hote hain bahut kam
ji, beshak silsila jaari rehna chahiye.

Ta umr mein talib rahunga, mera kiya muqam hai?
Aik mamuli sa insaan hi hoon, ghalitiyon ka bhandar hoon.
Aap jaise doston aur rahgaron ki duaon ka muhtaj hoon.

yeh dil se kehta hoon jab bhi chahiye islah kijeye.
Aap ke alfazon mein muhabbat ki mithas hai
main kabhi inhe bura nahin manunga.

Du'a goo
Abul Asad

Qalb saheb,

Muhabaton ka shukriya, aap ki inayat aur khulusi ka bhi mashkur hun main.

Abul Asad

Tamihayat Saheb,

Tasleem o Adaab, aap ka behad shukriya aapne apne qeemti waqt se kuch
hissa hamari dad dene mein lagaya.
Yeh ham kalami ka silsila jari rakhiye, yeh mohabbaton ki qurbat abad rakhiye.


Dau goo
Abul Asad

Tamihayat saheb,


Maazartkhwaan hoon ke maine aap ka yeh post dair se padha, Aap ne jo kuch kehna ho kehdijiye, aur kehiye ke mein kis khadar aap ki khidmat karsakta hoon?

Koshish karonga agar meri aghazi samajh ke dayare mein aap ke liye jo bhi hosakega zaroor karonga, Inshallah. Magar aap se
yeh bhi saaf kehdonga agar meri hudood se bahar ho.


Hukum kijeye janaab

Dua Goo
Abul Asad

Wa Alaikum Salaam,
Tamihayat,

Aapka bahut shukriya aap hamen is qabil samjhin ke koi sawal ham se aap poch saken, Kuch alfaz aapke jawab talab the, to main bade ehteraam aur daleel ke saath yeh darz kar-raha hoon.

Yeh ghaur-e-nazr karne wali baat hai keh  shayari ya sher 2 line ke hon ya 3 line ki, apne aap men har sher aik mukammil shayari hoti hai. Issay koi aur sher ki zarorat nahi hoti puri shayari ban-ne ke liye, Haan agar che woh ghazal ho, ya nazm, ya khasidah, ya phir qawwali ho, to phir usske apne kuch usool hote hain. (Iski daleel: "Aaina-e Ghazal agar aap pardhengi, jo aik Khazana hai, har Ghazal ke chahne wale ke liye, aur aik dictionary/kitab hai jiss me usool-e ghazal par aik bahut hi acha topic likha gaya hai).

Phir agar aap yeh kehna chahti hain ke aap kuch zyada asharon ki shayari likhti hain, to achi baat hai, Allah aapki qalam mein aur barakat de.

Raha sawaal yanhan par post karne ka, to yeh asaan si baat hai, aap upar ki taraf kuch gundiyan (buttons) dekh-rahi hain, usme se aik button hai- "Submit Poetry" ka usse click kigeye, aur phir apni shayari darz kijeye, Uski heading mein aapne uska sahi mauzo (topic) select karna hai, aur phir apki likhat khatam hone par, Text box ke neeche aik post ka button hai post kijeye.

Tamihayat, agar apka sawaal samajhne men ya aap ke dil ko dukhaya ho hamare alfazon se, ya hamse ghalati hovi ho, to ham muafi talab hain apse. Aap iss sawaal ko dobara saaf alfaz men darz kijeye. Hum dubara jawaab dene ki koshish karenge.

Dua Goo
Abul Asad

Tamihayat,

Aap ke poochne ka shukriya, ji main acha hoon, umeed hai apbhi achi hongi
aap ke naik alfazon ka bhi shukriya.

Allah Aap ke ilm me izafa kare aur aapko har qism ki kamiyabi ata farmaye
Ameen.

Dua Goo
Abul Asad