Yoindia Shayariadab - Place to share your thoughts in beautiful words.

Waqt-e-furqat

by Brijinder on June 07, 2010, 08:48:28 PM

Yoindia ShayariAdab > Shayri ( Poetry ) or Shayari > Shayri for Khumar -e- Ishq > Topic: Waqt-e-furqat

Pages: [1]

Author

(Read 917 times)

Brijinder

Guest

WAQT-E-FURQAT

Yeh waqt-e-furqat kitna kathin hai meri jaaN
Hoga mushkil maanaa tha, magar itnaa mushkil
Socha bhi naa thaa

Woh chaNchal si khilkhilahat
Woh tumhari maNd maNd si muskaan
Woh tumharay badan say aatay bahaar kay jhoNkay
Woh tumhaari saadgi maiN daanaai kay imkaan

Woh tumhaaraa meri baahoN maiN duniya ko bhool jaanaa
Woh behtay ashkoN maiN laraztay laboN ka muskuraanaa
Woh tumhaari pal pal ko shiddat say jeenay ki chaah
Woh tumhaari nazar maiN phool say komal khwaaboN ki raah

Woh tumhaari dabdabaai aaNkhoN maiN unkahayay sawaal
Woh tumhaaray ghanay dasht say gasuoN ka jamaal
Woh tumhaaray hoNthoN ka tilsmee khumaar
Woh tumhaaraa mujh par beloss aitbaar

Bahut yaad aataa hai yeh sub meri jaaN
Aur yaad aataa hai bahut tumhaaraa woh-
"SUNO NA"
------------------------------------


	Logged

Similar Poetry and Posts (Note: Find replies to above post after the related posts and poetry)
	Waqt-e-Furqat by Brijinder in Shayri for Khumar -e- Ishq
	WAQT-E-FURQAT by Brijinder in Shairi - E - Zindagi
	!!__-Shaam e Furqat-__!! by khamosh.larka in Shayri for Khumar -e- Ishq
	Waqt-e-furqat by Brijinder in Shayri for Khumar -e- Ishq
	zarraa ... gham-e-furqat by zarraa in Shayri for Dard -e- Judai