.

Dil udaas hai bohot koi paigaam hi likh do
Tum apna naam na likho, gum-naam hi likh do

Meri kismat mein ghame-e-tanhai hai lekin
Tamaam umar na likho magar aik shaam hi likh do

Zaroori nahi ke mil jaye sukoon har kisi ko
Sar-e-bazm na ao magar benaam hi likh do

ye jaanti hu ke umar bhar tanha mujhe rehna hai
Magar pal do pal,ghadi do ghadi mere naam hi likh do
 
Chalo hum maan laite hai ke sazaa ke mustahiq thehre hum
Koi enaam na likho koi ilzaam hi likh do