Aadhunik samaaj ke aadhunik log

Kisko dein dosh iin badalti hawaon ka
Kya hoga kal, aaj iis badalte samaaj ka
ghutan si mehsoos hoti hai hardam
kuch to socho yaaron aane wali generation ka
   Maana ki hai time spardha aur aage barhne ka
   Lekin karoge kya oon purane riwazon ka
   Hamari dharohar hain, pehchaan hain jo beetey huey kal
   fir sanjokar kyun mela sa lagaya unki numayish ka
Keemtein barh rahi hain, insaan gir raha hai
haivaan bana baap, khud ki beti nigal raha hai
Doli nikalne se pehle, nikla jo beti ka aansoo
socho uski bad-duwaano se kya hoga oos pariwar ka
   Sachaii dab chuki hai, manavta bik chuki hai
   Gareebon ki jholi tangehaal ho futt chuki hai
   Na lo imtehaan ab aur insaan ke sabra ka
   Verna socho kaise samhaloge gadar iis kalyug ka

bahut badhiya kitto jee.
aapki bhaavnaayen aur khayaal padhne vaale ke dil ko choote hain. par kayee sawaal bhi khada karte hain jinka javaab dena mushkil hai.

kuch to socho yaaron aane wali generation ka -

isi line pe itna kahunga..ki ham jahan bhi ho vahan apne vyavhaar se is soch ki chaap chhore.

Bahut Khoob Kittooji.

kya baat hai, bahot achey