Aaj fir ashqon ne palkon ka saath chodda hai...Raaj

Aaj fir gamon ne karwat li hai,
Aaj fir kisi ki yaadon ne angdai li hai.
Aaj fir ashqon ne palkon ka saath chodda hai YAAR,
Aaj fir mujhe uski yaad aayi hai...

Ik pal beeta nahi tha mayusi ka k,
Dooje ne apne aagosh me le liya.
Ik pal beeta nahi tha sukun ka k,
Dardon ne apne ghere me le liya.
Hona chaha jab-jab roshan khushiyon ne,
mili bas gamon ki kaali parchai hai.
Aaj fir mujhe uski yaad aayi hai...

Naseeb to acha tha mera,
par sitare hi sada gardish me rahe gain.
Khel us maalik ka ajeeb hi raha hai mere saath K,
Khushiyon ke naam par usne bhi mujhe bas ashq hi diye hain.
Gairon ki to baat hi kya karun, Yahan apno ne bhi di ruswai hai.
Aaj fir mujhe uski yaad aayi hai...

Yaaron ise koi kissa-kahani mat samjhiye,
Ye mere dil ke ankahe jajbaat hain.
Jo ho na payenge kabhi bayan mujhse,
Ye wo ankahe ehsas hain.
Sachi-Suchhi mahobbat main us se kar betha hoon.
Apni wafa ke naam par khud ko badnam main kar betha hoon.

Jyada kuch nahi yaaron, bas itni si hi meri kahani hai.
Jab-jab khwahish ki mehfil ki maine, hisse me aai bas tanhai hai.
Aaj fir mujhe uski yaad aayi hai...

very nice

bohut khub janab bohut umda