aaj ki raat ..... zarraa

azeem shayar majaz lakhnavi ki mashhoor ghazal "dekhna jazb-e-mohabbat ka asar aaj ki raat" ki zameen par ek ghazal kehne ki himaqat ki hai. is shikastsh koshish ko maazrat ke saath pesh kar raha hoon....

lo mere baam* par ab aayee utar aaj ki raat
chain laayee hai udaasee bhi magar aaj ki raat
(baam = terrace)

phir se bedaari* ko kar di hai nazar* aaj ki raat
jaane kab laayegi paighaam-e-sahar* aaj ki raat
(bedaari= state of being awake, kar di hai nazar = gifted away, paighaam-e-sahar = message of dawn)

phir se lauta kisi paimaana-e-khaalee* ki tarah
phir se maikhaana* bana baitha hooN ghar aaj ki raat
(paimaana-e-khaalee = empty cup of wine, maikhaana = tavern)

hijr ki shab* kise dekheiN kise mehsoos kareiN
chaaNd chhup jaaye hawa jaaye thahar aaj ki raat
(hijr ki shab = night of separation)

aaj keh daala tumheiN jo n kaha tha ab tak
n tasawwur* pe haqeeqat* ka asar aaj ki raat
(tasawwur = imagination, haqeeqat = reality)

shikwe* hote magar itne n ziyaada hote
baith jaate do ghadi paas agar aaj ki raat
(shikwe = complaints)

"zarraa" so jaao ke kal raat bhi jagna hai tumheiN
kam naheeN ye ke gayee to hai guzar aaj ki raat

- zarraa

- zarraa

waah waaah bahoot khoob

Bahot achey waaaaah waaah