apne lahoo ki muntazir talwaar hi hoon main (zarra):Shayri-E-Dard

zarra

Guest

dostoN, phir junooN meiN ek aur ghazal bak di hai, padhne ka dard seh lijiyegaa. Usual Smile

kyuNki ye gham e dil ka bayaan hai isliye kucchh uljhee huee ho shayad ... shayad raddee ki tokree ke hi laayak hai, par ussey bhi apna puraanaa yaaraana hai Usual Smile

(rozmarra ki zabaan se alag kucchh alfaaz istemaal kiye hain jinka tarjumaan aakhir mein hai.)

arz kiya hai ...

khud apnee tamaanaoN ka gaddaar hee hooN maiN
phir kiskaa juz azaab talabgaar hee hooN maiN

apne ilaaj-e-gham se to bezaar hee hooN maiN
pur-dard jaankar gham-e-aghyaar hee hooN maiN

khud apne nakhunoN se zakhmkaar hee hooN maiN
qaabil naheeN hifaazat-o-teemaar hee hooN maiN

apnee gahan ke naap ka phandaa hooN ek maiN
apne lahoo ki muntazir talwaar hee hooN maiN

wo bhee ye maantaa hai ki maanooN n kucchh use
maanaa ki zamaane ka gireftaar hee hooN maiN

jitne hee be-maze se shauq aazmaaya tha
utne junooN se kar rahaa begaar hee hooN maiN

aaNkhoN meiN pyaar lab pe haNsee kyuN na talaashooN
maanaa khadaa huwa sar-e-baazaar hee hooN maiN

maqsad n sukhan-e-soz-e-gham ka arz-e-mehr hai
ghamkhwaar hooN apna n tarafdaar hee hooN maiN

zarra n hooN bad-mast to kaise kahooN b uzr
maiN bhee hooN duniyadaar bas maikhwaar hee hooN maiN

juz = other than, azaab = punishment, talabgaar = desirous, pur-dard = full of pain, aghyaar = others / antagonists, gahan = neck, teemaar = nursing, muntazir = waiting for, begaar = bonded labour, sukhan-e-soz-e-gham = narrating the intense pain of sorrow, arz-e-meher = plea for mercy, bad mast = drunk, b uzr = as pretext, maikhwaar = alchoholic


	Logged

Similar Poetry and Posts (Note: Find replies to above post after the related posts and poetry)
	Seh Chuka Hoon Main Apne MuQaddar Ke Dukh... by Aryaan in Shayri-E-Dard « 1 2 3 4 »
	Apne Des Me Ajnabi Hoon Main,. by Azeem Azaad in Shairy-E-Watan « 1 2 All »
	Main talashta hoon apne pyar ko... by diya786 in Shayri for Khumar -e- Ishq
	Usko Apne Andar Main Dekhta Hoon,. by Azeem Azaad in Shayri for Khumar -e- Ishq « 1 2 All »
	^^ Zarra Zarra Is Gulshan Ka ^^ by Matrix Guy in Shayeri for Dard -e- Bewafai « 1 2 All »

*KasaK*....Dil Ki

Poetic Patrol
Umda Shayar

Rau: 19

Offline

Gender: Female

Waqt Bitaya:
67 days, 9 hours and 25 minutes.
"I hv a prsnality wch evrybdy cn't handle

Posts: 5603
Member Since: Jun 2010

Re: apne lahoo ki muntazir talwaar hi hoon main (zarra)

«Reply #1 on: December 02, 2010, 05:06:55 AM »

behad khubsurat khyaal aur alfaaz hain aapke zarra ji..ek alag andaaz ki gazal hai ye...khud se shikayat bhari.....
bht khub ji Applause


	Logged

BHONDU

Khususi Shayar

Rau: 0

Offline

Gender: Male

Waqt Bitaya:
3 days, 19 hours and 12 minutes.

Posts: 1550
Member Since: Mar 2006

Re: apne lahoo ki muntazir talwaar hi hoon main (zarra)

«Reply #2 on: December 02, 2010, 01:53:52 PM »

bahut hi umda urdu farmati hai aap agar nneche sabd na hote to samajhna muskil tha but gr8 1 ,

khud apne hi lahu ki tujhe pyaas kyn hai,
E- dost tu aaj itni udaas kyn hai
maana ki zindgi gumo se bhari hai,
tab bhi jami ke upar ye aakash kyn hai.
jaante hai saath chodegi humari zindgi
phir bhi humein zindgi ki talaash kyn hai...


	Logged

zarra

Guest

Re: apne lahoo ki muntazir talwaar hi hoon main (zarra)

«Reply #3 on: December 02, 2010, 05:26:23 PM »

Quote from: *KasaK*....Dil Ki on December 02, 2010, 05:06:55 AM

behad khubsurat khyaal aur alfaaz hain aapke zarra ji..ek alag andaaz ki gazal hai ye...khud se shikayat bhari.....
bht khub ji Applause

kasak ji, aapkee nawazish hai. shukriya. apne is ghazal ke peechhe ke ehsaas to bakhoobee samajha uska bhee behad shukriya.


	Logged

zarra

Guest

Re: apne lahoo ki muntazir talwaar hi hoon main (zarra)

«Reply #4 on: December 02, 2010, 05:32:18 PM »

Quote from: BHONDU on December 02, 2010, 01:53:52 PM

shukriya dost. khushi huee aapko pasand aayee. apke aashaar bhi umda hain, aur inhein likhkar aapne jo izzatafzaaee ki uska behad shukrguzaar hoon.


	Logged

Rajesh Harish

Guest

Re: apne lahoo ki muntazir talwaar hi hoon main (zarra)

«Reply #5 on: December 06, 2010, 03:55:46 AM »

Good one zarra


	Logged

Pages: [1]

Yoindia ShayariAdab > Shayri ( Poetry ) or Shayari > Shayri-E-Dard > Topic: apne lahoo ki muntazir talwaar hi hoon main (zarra)