Athak Pathik Sa

Doston, yeh ek choti si koshish hai jisme koi bhi poorna viraam nahin hai.

Vikasonmukh Rastra mein
upbhoktavaadi sanskriti ke beech
yeh viksit hota yuva varg
Apne kanddhon per arth tantra ki
maansikta ka bojh utthaye,
katthore samaaj ke parivesh ki
sooni paghdanddiyon se
guzarta bebaaki se
ek-ek pag, aage badaa
katthin saamajik maanyataaon
ke beech jeevan mulyon se jujhtaa
ekaakipan mein leen
arth tantra ki maansikta se grasit
chala jaa raha hai
ek athak pathik sa
aakash se zameen ki oar