Aur Kuchh Bhi Nehin

Tum hi jaano jaan-e-gazal humse kya khata hui?
Dil ne kiya jo nadaani woh pyaar tha aur kuchh bhi nehin,

Jo baat tumhe kubool na tha, usi baat ko majak sabne banaya,
Par dil ne jo kaha woh izhaar tha aur kuchh bhi nehin,

Har kadam me thi jo kaynaat humare saath saath,
Aaj woh mane usse na pyaar, na afsaana, kuchh bhi nehin,

Kal tak thi jo surkhiyon me aaj logon ke jehen me bhi nehin,
Ab sab kehte hai woh majak tha aur kuchh bhi nehin,

Raat me kal tum aayi thi, khusnuma baarish me bhigoke chali gayi,
Sabaa ki sabnam me tanha payaa to samjha woh khwab tha aur kuchh bhi nehin,

Apna kehke jo bhi aaye zindegi me meri uljhane mitane,
Woh bhi kahan kam the, ek ek paheli the aur kuchh bhi nehin,

Karti rahi zindegi humse najaane kitne khilwad,
Jab haara tab samjha sab khel tha aur kuchh bhi nehin,

Wafadaari ke iss khel me wafaa karta raha yeh 'sahil'
Zafaa dariya se nehin tumse thoda khafa tha aur kuchh bhi nehin....