Beygnaahoun kaa khoon, 'Pak' mein bahaa hai ab!:Shayri-E-Dard

abdbundeli

Guest

Dil-o-dimaag mein gussaa hai, gam hai, aansoon hain!
Beygnaahoun kaa khoon, 'Pak' mein bahaa hai ab!
Na jaaney kab nijaat paayegee yeh rooh-e-zameen?
Qatl-o-dahasat ka kaarobaar yeh, thameigaa kab?

Dahashat-o-qatl kaa ehsaas unhain bhi hai ab,
Jo, qaatiloun ko, peishtar, panaah deytey they:
Ab bhi, Mumbai key qaatiloun kaa hai qayaam waheen!
Jo dahshatoun key pairokaar hain: wo hain zaalim;
Ta'alluq un kaa, Khudaa sey naheen, Shaitaan sey hai!
Yeh woh Yazeed hain, jo un ko bhi kartey hain tabaah,
Jo, unhain, taqatein dey kar, gunaah kartey hain!

Mujh ko ummeed hai: insaan 'Pak' key umdah:
Naye hukkamoun-o-nizaamoun ko taaqteyn deingey,
Taa ki, dahshat-o-zulm sey unhain nijaat miley!
Khoon-e-insaan bahegaa kab talak wahaan, ki, yahaan?
- abd bundeli


	Logged

Similar Poetry and Posts (Note: Find replies to above post after the related posts and poetry)
	Beygunaahoun kaa khoon, fir bahaa hai Bharat mein! by abdbundeli in Shayri-E-Dard « 1 2 All »
	Do Ashk Meri Yaad Mein Bahaa Jate Tu Kia Jata, by sayani kuri in Share: Poetry of Pain
	rukhe sukhe mousam mein khoon ki barsat.....N/M by ripan dev in Share:Miscellaneous Shayari
	Merii Laash Pe Do Aansu Bahaa Jaa......masoom by Masoom Shahzada in Ghazals « 1 2 All »
	MUJHKO AAKHON SE BAHAA DENAA....SOUDAGAR by soudagar in Shayri-E-Dard

Shikha12

Guest

Re: Beygnaahoun kaa khoon, 'Pak' mein bahaa hai ab!

«Reply #1 on: September 22, 2008, 09:45:06 AM »

Achha likha hai Abd ji... Aur bahut sahi bhi... Applause

Khoon wahan bahey, ya yahan.. Marne waala hota toh insaan hi hai..
Unn begunaahon ko bhi utna hi dard hota hoga, jitna yahan ke logo ko hota hai..
Bhala khoon ka bhi koi alag rang hota hai kya??
Jaane kab samajh aayega yeh dehshat ke saudagaron ko... sad7


	Logged

abdbundeli

Guest

Re: Beygnaahoun kaa khoon, 'Pak' mein bahaa hai ab!

«Reply #2 on: September 22, 2008, 10:21:16 AM »

Mahiya ji,

Kaheen bhi koyee marey? Dard to hotaa hi hai!
Yeh judaa baat hai: kuchh kam ho, yaa bahut jyaadah!
Fir bhi, kuchh log is zameen pai hain aisey bhi, jinhain,
Rooh-e-insaan ko judaa kar key khushee hotee hai!!

Haan, yeh baat aur hai, hotey hain yeh inssan naheen:
Yeh to haiwaanoun sey badtar hain; yeh to hain shaitaan!
Qudartan aadmee, haiwaan hi to thaa pahiley:
Aadmee, aadmee ko maartaa thaa, khaataa thaa:
Lakh sadiyoun mein, b-mushkil banaa hai wo insaan,
Fir bhi lakhoun mein, wo haiwaan abhi zindah hai!

Qoum-e-insaan ko, ab, larhnaa parheygaa us sey:
Warnah, haiwaan hi haiwaan nazar aayengey:
Roj insaan qatl hongey; badheyngey shaitaan!!
- abd bundeli


	Logged

anjaan dharkan

Yoindian Shayar

Rau: 0

Offline

Gender: Female

Waqt Bitaya:
10 days, 13 hours and 44 minutes.
-May Allah Bless You-

Posts: 1900
Member Since: Jul 2008

Re: Beygnaahoun kaa khoon, 'Pak' mein bahaa hai ab!

«Reply #3 on: September 22, 2008, 01:57:27 PM »

mahiya ji, and abd ji.
dono ne sahi lihka. main pakistani hoon, magar jub india ka koi haadsa sunn ne mein aata hai, tho bhi itna hee dhuk hota hai jitna ub. aur insaan ek hai ye baat tho sahee hai, par pakistani ya indian bhi ek hee tho hain. humme ek hee rub ne, ek hee qayanat mein jeenay k leeyaen banaya hai. tho hum khud ko alayda kar k uss rub kee na famrmaanee kaisay kar saktay hain? humme aisa karna tho door, aisa soch na ka bhi koi huq nahee hai!

buss hum baybuss log unn be gunaaon k leeyaen aur dashatgar k leeyaen bhi sirf duwa kar saktay hain. allah umaateeyon ko sabr dey, aur raha se bhataknay waalon k neak hidayat dey!


	Logged

Aryaan

Guest

Re: Beygnaahoun kaa khoon, 'Pak' mein bahaa hai ab!

«Reply #4 on: September 23, 2008, 01:30:46 AM »

Bohat hi acha aur sach kaha Abd & Mahiya....


	Logged

honeyrose

Guest

Re: Beygnaahoun kaa khoon, 'Pak' mein bahaa hai ab!

«Reply #5 on: September 23, 2008, 10:31:56 AM »

Abd ji..

Mahiya...


	Logged

Talat

Guest

Re: Beygnaahoun kaa khoon, 'Pak' mein bahaa hai ab!

«Reply #6 on: September 23, 2008, 11:24:49 AM »

Quote from: abdbundeli on September 22, 2008, 08:05:47 AM

Bohot Khoob likha hai Abd Ji..... Applause

Begunah khoon jis bhi zameen par gira, wo zameen tadpi hai
Wo sarzameen-e-hindustan ho ya phir ho zameen pakistan ki !!


	Logged

Talat

Guest

Re: Beygnaahoun kaa khoon, 'Pak' mein bahaa hai ab!

«Reply #7 on: September 23, 2008, 11:26:26 AM »

Quote from: abdbundeli on September 22, 2008, 10:21:16 AM

Kaheen bhi koyee marey? Dard to hotaa hi hai!
Yeh judaa baat hai: kuchh kam ho, yaa bahut jyaadah!
Fir bhi, kuchh log is zameen pai hain aisey bhi, jinhain,
Rooh-e-insaan ko judaa kar key khushee hotee hai!!

Haan, yeh baat aur hai, hotey hain yeh inssan naheen:
Yeh to haiwaanoun sey badtar hain; yeh to hain shaitaan!
Qudartan aadmee, haiwaan hi to thaa pahiley:
Aadmee, aadmee ko maartaa thaa, khaataa thaa:
Lakh sadiyoun mein, b-mushkil banaa hai wo insaan,
Fir bhi lakhoun mein, wo haiwaan abhi zindah hai!

Qoum-e-insaan ko, ab, larhnaa parheygaa us sey:
Warnah, haiwaan hi haiwaan nazar aayengey:
Roj insaan qatl hongey; badheyngey shaitaan!!
- abd bundeli

Again, a true description Abd Ji Applause


	Logged

abdbundeli

Guest

Re: Beygnaahoun kaa khoon, 'Pak' mein bahaa hai ab!

«Reply #8 on: September 23, 2008, 03:08:24 PM »

Mahiya ji / Celmira ji / honeyrose ji / Aryan ji / anjaandharkan ji, wa
insaaniyat key sabhee hamdardoun ko meyraa laakh-laakh shukriyaa!
Aayiye ham sab is insaanee jannat ko, jannat sey bhi beyhtar banaaney key liye, apney-apney dil-o-dimaag ko peish-e-khidmat kareyn! Aameen!
- abd bundeli


	Logged

Pages: [1]

Yoindia ShayariAdab > Shayri ( Poetry ) or Shayari > Shayri-E-Dard > Topic: Beygnaahoun kaa khoon, 'Pak' mein bahaa hai ab!