bhoon ke apne dil ko

Bhoon ke apne dil ko,
Jasbaaton ko paka to loon,
Hai aanch kam tere vaadon kee,
Ek lakdi iradon kee aur sulga to loon.

Bujhatin hain aag ko,
Teri yaadon kee hawayein,
Jala ke teri tasveerein,
Aag ko aur bada to loon,

Chitak ke door girti hain,
Beete lamho kee chingariyan,
Main uda ke hawa mein sabko,
Ghar aag se bacha to loon,

Dhuan jo nikla dil se,
Teri hee tasveer bani,
Choo ke use haath se,
Tera nishaaN mita to doon,

Khwaab bhi dil ke saath,
Ek ek karke bhun gaye,
Dahakte hain vo ban ke angaarey,
aansuon se unhe bhuja to doon,

Bewafai kee lau mein,
Chat chat karke jalta dil hai,
Utaar ke thoda pehle,
Jeene kee aas bacha to loon,

Jala hua ye dil mera,
Na kisi aur ke na mere kaam ka,
Bana ke ise chiraag hee,
Logon ko raasta dikha to doon....

thanx anju jee,..

everyone will like this aru....

abhi login huyi aur aapka likha humne pada. bahut accha likha hai aapne.
bahut dard is kavita mein hai. bahut daad

thanks suman jee...