Dar-e-Main khana pay dastak humari majboori.

Dar-e-Main khana pay dastak humari majboori.
Or hum jaain kahan apnay ghum bhulanay ko.

Aik mehboob tha us ki nazar kay piyaalon main.
Khoye rehtay they bus unhi kay hum khayalon main.
Kahin hum ko na mila wo nasha juda ho kay.
Hum nay khoya hai un ko un pay hi fida ho kay.
Main to aik aag hai peeni hai dil jalanay ko.
Or hum jaain kahan apnay ghum bhulanay ko.


Rok saaqi na daykh tu humain to peenay dey.
Jaisay bhi jeetay hain tu ab humain to jeenay dey.
Wo to aaye hi nahin saal kitney guzray hain.
Apni aankhon say daikh baal kitney bikhrey hain.
Jaam to peena hai berhtay ghum mitanay
ko.
Or hum jaain kahan apnay ghum bhulanay ko.


Lab tak bhari surahee lab say mere laga do.
Kya mol is ka lo gey zara yeh bhi to bata do.
Mere pass hai bohat zar per khali hai mera gher.
Jo bhi hai chahay lay lo per jaam day do bher ker.
Saaqi ho meherbani bher bher kay main pilanay ko.
Or hum jaain kahan apnay ghum bhulanay ko.