Ek Ladki...:Shayri-E-Dard

pinky

Guest

Ek Pyaar se bhara dil tha,
Jiske armano ko palko par sajaya karti thi
Ek Masoom si ladki thi,
Mohabbat ke Khwab dekha karti thi..

Ek Chehra Banakar Khayalon mein,
Phir uss chehre ko bheed mein dhoonda karti thi..
Kaisi Paagal ladki thi,
Ek Khayal ko Dhoonda karti thi..

Aksar banaati ret ke mehal Sahilon par,
Phir unn mehalon mein ghar apna basaya karti thi..
Kaisi Naadan ladki thi,
Sahil ki mitti se ghar banaya karti thi..

Kayi baar dekha usse phoolon se baatein karte,
Kuch keh kar unke kaano mein khud hi sharmaya karti thi..
Kaisi naazuk ladki thi,
Phoolon se bhi sharmaya karti thi..

Likh kar hatheli par koi naam hamesha,
Phir uss naam ko mitaya karti thi..
Shayad Nasamajh hi thi,
Dil par likha tha jo,Usse haathon se mitaya karti thi..

Jaane kahan kho gayi wo,
Ab to aksar Aaine mein dhoonda karti hoon..
Wo Ladki jo aaina dekh bewajah muskuraya karti thi..
Banakar ajeeb se chehre,Sabko hasaaya karti thi..
Baddi ajeeb ladki thi,
Har kisi ko Sataaya karti thi..

Mohabbat ne hi todd diye uske sab armaan,
Jinhe wo badde pyaar se Palkon pe sajaya karti thi..
Shayad Duniya bhi bhool jaaye usse,
Par waqt na bhula payega..
Ke Ek Masoom Si Ladki thi,
Khwabon ke Shaher mein raha karti thi..


	Logged

Similar Poetry and Posts (Note: Find replies to above post after the related posts and poetry)
	Ladki! by salma786 in Shairi - E - Zindagi « 1 2 All »
	ek ladki by kunal kumar singh in Hindi Poets
	ladki by raman saini in Miscellaneous Shayri
	Vo ladki.. by Mirza Nazar in Share: Poetry of Pain
	**EK LADKI by DINESH** in Shayari-e-Parastish

waheed_rose2004

Guest

Ek Ladki...

«Reply #1 on: January 26, 2007, 01:55:28 PM »

beautiful poem Pinky............. bahot khoob........


	Logged

pinky

Guest

Ek Ladki...

«Reply #2 on: January 26, 2007, 06:33:25 PM »

Shukriya Majid and Waheed...!!!
Usual Smile

Wasie Majid Ye Gulabo ho bhi sakti hai..
he he he :lol:


	Logged

angel4u

Guest

Ek Ladki...

«Reply #3 on: January 26, 2007, 07:40:56 PM »

wow its so touching pinky....
TOo good....
shabd nai hai tarif karne ko....
ye main to nahi??? :D:D:D:D


	Logged

pinky

Guest

Ek Ladki...

«Reply #4 on: January 26, 2007, 07:45:36 PM »

To na karo na tareef..
Waise bhi tareef sun sun ke kaan pakk gaye hain mere..
:lol: :lo:

hmm..actually na ye koi bhi ladki ho sakti hai jisne pyaar khoya ho..
Par ye shayad gulabo hi hai..
:lol: :lol:


	Logged

angel4u

Guest

Ek Ladki...

«Reply #5 on: January 26, 2007, 07:47:33 PM »

nahi ye gulabo nai hia :D:D:D:D
arey tarif karni padti hai...you see awrna achha nai lagta hai na :D:D:D


	Logged

Aryaan

Guest

Ek Ladki...

«Reply #6 on: January 27, 2007, 03:47:04 AM »

Bohat khoob Pinky..


	Logged

paani

Guest

Re: Ek Ladki...

«Reply #7 on: January 29, 2007, 11:08:31 AM »

Quote from: "pinky"

Pinki ji khub, aur aap wahi ladki ho...


	Logged

angel4u

Guest

Ek Ladki...

«Reply #8 on: January 29, 2007, 06:19:09 PM »

right paani... tongue3


	Logged

pinky

Guest

Ek Ladki...

«Reply #9 on: January 29, 2007, 07:25:49 PM »

Arre thanx Panni
ye ladki main nahi hoon..

Majid ne theek kaha hai ki
wo gulaabo hi hai..!!

Main aisi nahi hoon ji..!!!!!!!

Bas likha hai Gulaabo ke baare mein..!!


	Logged

pinky

Guest

Ek Ladki...

«Reply #10 on: February 01, 2007, 08:46:13 PM »

Waah majid aap to kamaal hain..!!

Door khadi hai Zamaane se,
Kisi ke paas aana nahi chahti..
Kabhi bahut khilkhilaati thi,
Ab to muskurana bhi nahi chahti..

Koi pehchaan na le kahin usse,
Isliye chaadar odh kar khadi hai..
Apne Sapno ke mehal se wo
Tanha duur khadi hai..

Ab nahi milna usse kisi se
Ke Duniya uske liye parayi hai..
Bas Saansein hain jab tak uski,
Wo akele rehne chahti hai..

Ek aisi Tanha Ladki hai..
Tanhayi mein rehna chahti hai..!!


	Logged

pinky

Guest

Ek Ladki...

«Reply #11 on: February 05, 2007, 07:16:06 PM »

Daad qubul ki ji aapki..
kuch aur bhi to pesh kijiye taaki hum aapko padh sakein aur kuch seekh sakein..!!
Usual Smile


	Logged

waheed_rose2004

Guest

Ek Ladki...

«Reply #12 on: February 08, 2007, 07:18:05 PM »

nice post Pinky and........ Majid bhai........ good job.....


	Logged

pinky

Guest

Ek Ladki...

«Reply #13 on: February 15, 2007, 07:52:15 PM »

Diya hai gham mohabbat ne hi usse
Tanha rehna bhi sikhaya hai..

Muskurahat cheen kar uski,
Mohabbat ne usse rona sikhaya hai..

Uski baaton ko sun kar bhool jaata tha jo
Uske mehboob ne usse khamosh rehna sikhaya hai..

Khwabon mein raha karti thi Ek Ladki
Uske khwab todkar mohabbat ne usse
Haqiqat mein jeena sikhaya hai..


	Logged

Pages: [1]

Yoindia ShayariAdab > Shayri ( Poetry ) or Shayari > Shayri-E-Dard > Topic: Ek Ladki...