gairo se kya gila kare(n/m)

GAIRO SE KYA GILA KARE?
 
 

                     Apne hi sansaar ujaad gaye
                                gairo se kya gila kare
                             apne hi khai khod gaye
                                gairo se kya gila kare
 
 wo apne hi the jo lita gaye sau teero ki shayiya par  
 wo apne hi the jo khila gaye zahar kheer me mila kar
 
                        apne hi hamko maar gaye
                               gairo se kya gila kare
                       apne hi hath chhuda gaye
                              gairo se kya gila kare
 
 apne hi apno ko kasme dedekar marwate hain
 apne hi apni khatir apno ko katwate hain
 
        hum doob gaye apno hi ki baad me
        hum jal gaye apno ki hi aag me
        apne hi girate hain gaddha bankar
        apne hi chubhte hain kanta bankar
 
                        apne hi saanse rok gaye
                             gairo se kya gila kare
                 dil par apne hi kile thok gaye
                             gairo se kya gila kare
 
 apne hi mitate hain khushiyon ki chhawo ko
 apne hi phalaate hain sookhte ghawo ko

 deemak bankar dimaag ko apne hi galaate hain
 shole bankar dil ko apne hi jalaate hain
 wo apne hi hain jo apnepan me zindgi mangte hain
 wo apne hi hain jo apno ko suli pe tangte hain
                 galaa ghotne wale apne hi hain

                                 gairo se kya gila kare
                  kabr khodne wale apne hi hain
                                 gairo se kya gila kare
 
 kaliyon ko jo tod gaye,kanto ko jo jod gaye wo apne hi the
 dukh ke badal mandrane par jo chhod gaye wo apne hi the
 
                 roti dekar maan le gaye apne hi
                 kheer dekar jan le gaye apne hi
 
 apne hi jab aate hain chain le jate hain
 apne hi jab jate hain gum de jate hain
 
                khushiyaan saari loot gaye apne
                                   gairo se kya gila kare
                 pyar manga to rooth gaye apne
                                   gairo se kya gila kare
 
 apnepan me humne apni saari khushiya de di
                         par pyar ki nazar ko taras gaye
 apno ka dukh apno ka dard apno ki pida le li
                            aur apne hi aansu baras gaye
 
                  pyar ki nazar ko apne hi tarsa gaye
                  humaari aankho se we aansu baraswa gaye
 
 chale the hath pakadkar,jab kuye me gire to dekha hath apno ka tha
 chale the aankh mundkar,andhkar se ghire to dekha saath apno ka tha
 
              kuye se badhaya haath to apne chal diye
             andhere me maanga sath to apne chal diye
 
 us kuye me,us andhere me dhakelne wale haath apno ke the
 pairoon se zamin,sir se roshni kheenchne wale hath apno ke the
 
                                      apne hi gira kar chal diye
                                            gairo se kya gila kare
                                     apne hi mita kar chal diye
                                            gairo se kya gila kare