Hans Kar Yeh Chandni Ki Ridaa Mujh Pe Daal Do ..............

Khul Hi Jaiga Koi Baab-E-Ajaabat "Shaakir"
Apne Haathon Ko Bahar Taur Uthaaye Rakho

Utro Mere Khayaal Mein Raaten Ujaal Do
Hans Kar Yeh Chandni Ki Ridaa Mujh Pe Daal Do

Arsa Huwa Hai Lams Ka Mar'ham Nahin Mila
Zakhmon Ko Choo Ke Inko Zara Indimaal Do

Ik Tishnagi Hai Kab Se Meri Rooh Mein Chuppi
Ik Boond Behr-E-Lutf-O-Karam Se Uchaal Do

Bikhra Hoon Tere Naqsh-E-Kaf-E-Paa Pe Ja-Ba-Ja
Mujhko Samet Lo, Kahin Mujhko Sanbhaal Do

Karke Shanaasaa Dil Ko Mere Apne Gham Ke Saath
Fikr-E-Gham-E-Hayaat Se Mujhko Nikaal Do

Muddat Hui Hai Gardish-E-Aalam Kaa Hoon Shikaar
"Shakir" Aa Ke Gardish-E-Aalam Ko Taal Do !!!


Rida = Chadar Indemal= Zakhamon Ko Araam Dena (Mar'ham Karna)

Naqsh-E-Kaf-E-Paa = Paoun Ke Nishaan (Foot Prints)
Shnasaa= Waqif ,Agaah Tishnagi = Piyaas , Khalish
Gardish-E-Aalam = Dunyaa Ki Fikar (Chakar), Darbadar Bhatakna......(nm)

oye  moti............. :wink:

Wah!! Waheed!!!

bahut achhe wahhed ji

beautiful !!!...waheed