*HoneyRose Dard Shayari Collection --NM* -Panna 3:Shayri-E-Dard

honeyrose

Guest

«Reply #30 on: April 05, 2009, 06:03:29 AM »

yaar ko mai.n ne mujhe yaar ne sone na diyaa
raat bhar taali'-e-bedaar ne sone na diyaa

[taali'-e-bedaar = good fortune]

ek shab bul_bul-e-betaab ke jaage na nasiib
pahaluu-e-gul me.n kabhii Khaar ne sone na diyaa

raat bhar kii dil-e-betaab ne baate.n mujh se
mujh ko is ishq ke biimaar ne sone na diyaa


	Logged

Similar Poetry and Posts (Note: Find replies to above post after the related posts and poetry)
	Shayari -E- Dard by Thakur Singh in Shayri-E-Dard
	dard ki shayari by Azedmeer in Shayri-E-Dard « 1 2 All »
	<NA KAHO DARD KO SHAYARI> IT IS A MUST by harshit101 in Shayri-E-Dard
	shayari-e-dard by mital in Gujarati
	~~HoneyRose Collection Dost Shayari~~ by honeyrose in Shairy-e-Dost (Friendship Poetry) « 1 2 3 4 5 »

honeyrose

Guest

Re: *HoneyRose Dard Shayari Collection --NM*

«Reply #31 on: April 05, 2009, 06:07:26 AM »

ye aarazuu thii tujhe gul ke ruu-ba-ruu karate
ham aur bul_bul-e-betaab guftaguu karate

[ruu-ba-ruu = in front of; guftaguu = conversation]

payaam bar na mayassar huaa to Khuub huaa
zabaan-e-Gair se kyaa shar kii aarazuu karate

[mayassar = available; shar = mischief]

merii tarah se maah-o-mahar bhii hai.n aavaaraa
kisii habiib ko ye bhii hai.n justajuu karate

[maah-o-mahar = moon and sun; habiib = friend]

jo dekhate terii za.njiir-e-zulf kaa aalam
asiir hone ke aazaad aarazuu karate

[asiir = prisoner]

na puuchh aalam-e-baragashtaa taali-e-"Aatish"
barasatii aag me.n jo baaraa.N kii aarazuu karate

[baragashtaa = turn around/against; baaraa.N = rain]
[taali-e-aatish = burning fate]


	Logged

honeyrose

Guest

Re: *HoneyRose Dard Shayari Collection --NM*

«Reply #32 on: April 26, 2009, 01:51:58 PM »

jab tere shahar se guzarataa huu.N

kis tarah rokataa huu.N ashko.n ko
kis tarah dil pe jabar karataa huu.N
aaj bhii kaarazaa-e-hastii me.n

jab tere shahar se guzarataa huu.N

kis mohalle me.n hai makaa.N teraa
kaun sii shaaKh-e-gul pe raqsaa.N hai
rashk-e-firdaus aashiyaa.N teraa
jaane kin vaadiyo.n me.n Theharaa hai
Girat-e-husn kaaravaa.N teraa
kis se puuchhuu.Ngaa mai.n Khabar terii
kaun batalaayegaa nishaa.N teraa
terii rusvaa_iiyo.n se Darataa huu.N

jab tere shahar se guzarataa huu.N

haal-e-dil bhii na kah sakaa garche
tuu rahii muddato.n qariib mere
kuchh terii azmato.n kaa Dar bhii thaa
kuhh Khayaalaat the ajiib mere
aaKhir kaar vo gha.dii aa_ii
baar-e-dar ho gaye raqiib mere
tuu mujhe chho.D ke chalii bhii ga_ii
Khair qismat merii nasiib mere
ab mai.n kyo.n tujh se pyaar karataa huu.N

jab tere shahar se guzarataa huu.N

go zamaanaa terii muhabbat kaa
ek bhuulii hu_ii kahaanii hai
tere kuuche me.n umr bhar na gaye
saarii duniyaa kii Khaak chhaanii hai
lazzat-e-qarb ho ke zaKhm-e-firaaq
jo bhii hai terii meharabaanii hai
kis tamannaa se tujh ko chaahaa thaa
kis muhabbat se haar maanii hai
apanii qismat pe naaz karataa huu.N

jab tere shahar se guzarataa huu.N


	Logged

honeyrose

Guest

Re: *HoneyRose Dard Shayari Collection --NM*

«Reply #33 on: April 26, 2009, 01:56:41 PM »

Tum Kya Jano Yaadon Main Kho Kar Aankhain Kitna Rooti Hain
Dil Main Apnay Main Dard Samoo Kar Aankhain Kitna Rooti Hain

Tum Kya Jano Sawan Ka Mousam Kitni Aagg Lagata Hai
Barish Ki Bondoon Ko Choo Kar Aankhain Kitna Rooti Hain

Ab Tu Chooti Si Baat Par Bhi Yeh Dil Bhar Sa Jata Hai
Halki Si Dil Ko Lagti Hai Thokar Aankhain Kitna Rooti Hain

Ab Tu Yeh Jeena Bhi Hum Koi Koi Boojh Sa Lagta Hai
Din Bhar Is Baar Ko Dhoo Kar Aankhain Kitna Rooti Hain

Zakham Zakham Hain Aakhain Meri Maazi Ki Parchain Say
Apnay Undar Lahoo Daboo Kar Aankhain Kitna Rooti Hain

Tum Ek Duniya Nai Gai Ho Tum Ko Kia Ehsaas
In Rahoon Main Tanha Si Ho Kar Aankhain Kitna Rooti Hain


	Logged

honeyrose

Guest

Re: *HoneyRose Dard Shayari Collection --NM*

«Reply #34 on: April 26, 2009, 01:58:35 PM »

mujhase bichha.D ke Khush rahate ho
merii tarah tum bhii jhuuThe ho

ik Tahanii par chaa.Nd Tikaa thaa
mai.n ye samajhaa tum baiThe ho

ujale ujale phuul khile the
bilkul jaise tum ha.Nste ho

mujh ko shaam bataa detii hai
tum kaise kapa.De pahane ho

tum tanahaa duniyaa se la.Doge
bachcho.n sii baate.n karate ho


	Logged

honeyrose

Guest

Re: *HoneyRose Dard Shayari Collection --NM*

«Reply #35 on: April 26, 2009, 01:59:50 PM »

tere baare me.n jab sochaa nahii.n thaa
mai.n tanhaa thaa magar itanaa nahii.n thaa

terii tasviir se karataa thaa baate.n
mere kamare me.n aa_iinaa nahii.n thaa

sama.ndar ne mujhe pyaasaa hii rakhaa
mai.n jab seharaa me.n thaa pyasaa nahii.n thaa

manaane-ruuThane ke khel me.n ham
bichha.D jaaye.nge ye sochaa nahii.n thaa

sunaa hai band kar li us ne aa.Nkhe.n
ka_ii raato.n se vo soyaa nahii.n thaa


	Logged

bekarar

Poetic Patrol
Yoindian Shayar

Rau: 4

Offline

Gender: Male

Waqt Bitaya:
53 days, 9 hours and 51 minutes.

Posts: 3738
Member Since: Oct 2005

Re: *HoneyRose Dard Shayari Collection --NM*

«Reply #36 on: April 26, 2009, 02:03:12 PM »

meri pasandeeda ghazal ko share karne ke liye aapka aabhar HR..
nice sharing..


	Logged

honeyrose

Guest

Re: *HoneyRose Dard Shayari Collection --NM*

«Reply #37 on: April 26, 2009, 02:15:49 PM »

Quote from: bekarar on April 26, 2009, 02:03:12 PM

meri pasandeeda ghazal ko share karne ke liye aapka aabhar HR..
nice sharing..

Bohat bohat shukriya Sanjeev jiju aapne mere
collection pasand aaye bohat shukirya dear... hello


	Logged

Pages: 1 2 [3] All

Yoindia ShayariAdab > Shayri ( Poetry ) or Shayari > Shayri-E-Dard > Topic: *HoneyRose Dard Shayari Collection --NM*