Humesha muskura kay aansooun ko chupaya

Humesha muskura kay aansooun ko chupaya

 

Humesha muskura kay aansooun ko chupaya
Ghum ko chupanay ka yehi rasta nazar aaya



Kis kis ko batatey behtey ashkon ka sabab
Kay derd-e-dil dil main kis nay jagaya



Mehfilon main kahin bhi maza na raha
Rakha dil pay pather to khud ko sajaya

 

Baat bay baat apni aahain daba ker
Yaron kay dermiyan kis qadar muskuraya

 

Na thi chah kabhi mujahy mankashi ki
Jaam-e-wafa kisi bay wafa nay pilaya


Kya muqadar say shikwa kertey rahain
Jo qismat main tha wohi kuch to paaya

 

Yeh kis mor pay aagaee hain umeedain
Kay saaya-e-manzil nazar main na aaya

 

Apnoon nay palat kay daykha tak nahin
Ghairon nay aaker galay say lagaaya

 

Acha hua kay raaz khul hi gaya
Dil-e-nadaan pay khanjar kis nay chalaya



Shab-o-roz chahat sila yeh hay shaiki
Dil kay tukrey huay wo chunney na aaya


Ques...

Qutubuddin ji bahut khoob likha hai aapne...........

hum  aksar yun bhi unke saamne muskara lete hain
apne har ghum ko  ashqo  mein  chhipaa lete hain

dukhane lagte hain jab unke diye dard hame
toh unki yaado ko seene se laga lete hain

de jaate woh har lamaha dastaan koi dard ki nayi hamko
hum apni baat sirf ghazalo mein keh kar khud ko behla lete hain