Jab mujhe chhodke jaoge..

Sach yad bahut tum aoge
jab mujhe chhodke jaoge

dil tarap jayega
lavj ruk jayenge
sans thaher jayegi
jab tum chhod ke jaoge

Ye prabha roj muskayegi
Ye khag kul bhi sare gayenge
dudiya sari sasmit hogi
per hum to ask bahayenge
de peer hiye ko jaoge
sach yad bahut tum aoge
jab mujhe chhod ke jaoge


Jor-Jor se dharkega jab dil mera
tum hi batao
kaise is dil ko mai Samjhaunga
kab tak jhooth bol karke is pagale ko bahlaunga
tum pran mere le jaoge
sach yad bahut tum aoge
jab mujhe chhodke jaoge

dil ko chhodo pagla hai
ise mana loonga kaise bhi
sansey khojengi mahak teri to mahak kaha se launga
Ankhiya puchhengi yar kaha
To kuchh bhi kah na paunga
mujhase  juda ho jaoge
Sach yad bahut tum aoge
jab mujhe chhodke jaoge

Banhey teri banhey dhundhengi
man bhi dhundhega rahat
kan sunega nahi aur kuchh
Bas dhundhega teri hi Aahat

Jo peer uthegi seene me wo peer nahi sah paunga
Bhatkoonga idhar udhar jab tujhe pas na paunga
tum mujhe rula ke jaoge
sach yad bahut tum aoge
jab mujhe chhodke jaoge...


       ...VIJAY RATAN