Jane kyu..... ...Saavan

Kabhi mere gher me her din holi sa lagta tha,
Kabhi mere gher me her roj diwali hoti thi,

Mere Baba apne pople galo pe lagvate the gulal..
Meri Dadi muskarati thi dekh ke unka ye hal,

Mere chacha mujhe sham-o-saher godi me ghumate the..
Meri chachi mujhe mujhe pyar se apne sine se lagati thi,

Mere Abbu sab pe jaan lutate the..
Meri Ammi sara gher chalati thi,

Hil-Mil ke manate the hum her tyohar..
Khushiyo se sarabor rahta tha mera parivar..

Jane kiski hume najar lag gayi..
Sari khushiya woqt ki thokro se bikher gayi..

Baba to Khuda ko pyare ho gaye..
Dadi ki aankho ke najare kho gaye,

Apna pet kat-kat ker Abbu ne karai jinki padhai..
Eke-Eke  'Ete'  ke batvare me ladte hai wo bhai..,

Bhai-bhai ke rishto me pad gayi hai Darare..
Gher ke Angan me uth gayi hai Diware..

Bado ki ijjat karna to chhoto ka farj hota hai...
Per Dekhker gher ki durdash mujhe bada dard
hota hai,

Jane kyu log gher basate hai...
Jane kyu log rishte banate hai
Jane kyu tutete hai haste-khelte parivar..
Jane kyu apne hi apno ke 'Dushman' ban jate hai.

bahut khoob

bohat khoob,.............