kaash musalsal chalta rehta yeh silsila( taasir siddiqui)

Kaash musalsal chalta rehta yeh silsila,
darmiyaan hamaare na aata kabhi faasila,
main jab chahta tumhare dil ko chu sakta,
mere khwaabon ko tumhari palkon pe rakhta,
tumhari zulfon ke muqaddas andheron mein apni needon ko sanwaarta,
tumhaari narm baahon mein apni zindagi ki thakan ko utaarta,
tumhaare hothon ko chumkar apni be-rang zindagi mein rang bharta,
tumhaare saath zindagi ke har ek mod se guzarta,
lekin haaye taqdeer ko yeh kabhi manzur na tha,
jise hum dur samajte the woh faasila dur na tha,
aur ab yeh aalam hai mere-tumhaare darmiyaan sirf faasilon ki laqeeren hai,
dur tak pheli hui sakht judaai ki zanjeeren hai......

Bahut Khub Tasir Ji