kis raat ka khwaab ho tum... Intezar !

kis raat ka khwaab ho tum jo mujhe sataate ho,
mujhe neend aaye to kitni sadiyaan gujar gayi,

ki maine tujhe chhu kar dekha bhi nahin ab tak phir,
kaise tere ehsaas ki chubhan mere dil me utar gayi,

ki maine khud ko samet rakha tha khud mein hi kahin
phir tere baahon me meri chahtein kaise bikhar gayi,

main to phir bhi naa ummeed ho chala hun zindagi se
achha hai ki kam se kam teri zindagi to sanwar gayi,

na do duaayein ki main ab mit chuka hun is jahaan se
jaate jaate unke chehre par 'Intezar' ki ek nazar gayi,

thodi der kar di tumne mujhe aakar neend se jagaane me
bas kuch der pehle hi is jism se meri rooh nikal kar gayi,


                                    Shukriya
                                    Intezar !

Intezaar ji...superb

bahaut acche intezaar ji. very intense thoughts.

Thanks Killbill ji... bahut bahut shukriya aapka...

Intezar !

Zarra Ji Shukriya bahut bahut shukriya aapko achha laga...

Intezar !