Kya main maali tha bekaar ? !!!

Meri badi didi ne ek-baar mujhe salah di thee..unki lines
"Sneh v samta se jeeta jata man....
 Hriday marusthal ko bana do chaman.."

Utter mai maine ye kuchh line unhe likh bheji thee...

Mantra tumhara siddh hoga didi
Par mujhse sadha nahi

Hriday marusthal seench-seench thaka
Ful koi khila nahi
Banzer ho gayee hriday bhoomi
Spandan koi bacha nahi
Sukhi sab nadiyen hriday desh ki
Avrodh huye uttpan itne
Bypass karvana pada
Bhagirath ban nayee Ganga bahaane ko

Pyaar k bindu ko
Sindhu banana aasaan nahi
Ye do-chaar dino ka prayaas nahi
Anter ka kalush varsho purana
Usey khod hatana khel nahi
Hil jaayengi neev jeevan ki
Usey main kaise meetaun
Matbhed,man-ka-bhed,mati-bhed
Ye gati-rodh jeevan path k
Kaise main meet banau unko
Jo har-pal mere sang chalte
Man se par koson dur rehte

Mantra tumhara siddh hoga didi
Par mujhse sadha nahi

"Apno ko dil ki baat batao"
Sahi hoga soch tumhara didi
Par jo n samjh sake peer parai
Unhen kaise hriday k ghaav dikhaun
Makkhol udaana jinhe suhaata
Un saathiyon se kaise
Main marham ki aas lagaun

Fal khane k din aaye ab
Kaise main naye beej oogaun ?
Shuru kiya hota jaap kuchh varsho pehle
Tou shayad mantra sadh jaata
Man ko ab kaise vishwaas dilaun
Kaise ab shuruaat karu main ?

Mantra tumhara siddh hoga didi
Par mujhse sadha nahi

Dosh nahi deta kisi ko
Mera apna dil beemaar
Main he karan,main he jimmevaar
Seench n paya apni jeevan bagiya
Kya main maali tha bekaar ? !!!
??

Wah bahut bahut khoob likha aapne Smardia ji,marvelous,excellent

Thankyou Rojaji....

Meri didi ki inhi do lines par Prateek Mardia ne bhi kuchh lines likh bheji thee main unhe yahan fir se paste kar raha hu....

"kuch naya nahi soojh raha aajkal-ek puraani kavita ki peshkush kar raha hu.meri ek bua ne ek atyant prernadaayak kavita likhi thee-jisme ek pankti thee--
'sneh aur samta se jeeta jaata mun
hriday marusthal ko bana lo chaman'
 
Inhi do panktiyon ko lekar ek tukbandi likhi thee..pesh he.."


'sneh aur samta se jeeta jaata mun
hriday marusthal ko bana lo chaman'
mantra tumhaara siddh hoga bua
pur mujhko to nahi sadha

yeh kalyug he bholi bua
yahan chamatkar he yada-kada
yahan satya balishth
yahan satya sada
kehne to woh thaa ''satyug''
jaadugariyon ki nagri thee
snehil sparsh raam ka paakar
 ahalya jub patthar se ubari thee
ya fir jaise meera vish se anjaan
grehan kya to amritpaan
pur kalyug mein
satya adig  aur satya atal
satya pragaadh aur satya prabal
jaadu-tone sub nishful
nahi khilte cactus pur
phool aur ful!!

bua meri tum ho bholi
ya karti ho hansi thitholi
bholi kehna meri naadani
bua meri badi sayaani
tum laayi gulaab khila kilaaya
aur main paudha jaanch na paaya
tum shaayad isliye itarti
aur sub pur kasti ho fabti!

bua-uphas nahi koi acchi baat
jo pehle se he aaahat
unke bhee samjho jazbaat..

kaanta jub yeh mun mein tanta he
dukh aisa-jo naa baaten thumta he
paudha apna-na jud se kaate banta he
kyon smaran karaati hume galat paath
hum rakhte samta -takte-'baat'

sneh diya humne apaar
samta bhee rakhi beshumaar
bagiya mein fir bhee nahi bahar
mut vichlit ho dukh se unke
jo kehte maali khud ko bekaar
seench na paaya main bhee bagiya
main maali bhee tha honhaar!!


Prateek Mardia

Surendrajee aapka bahut bahut shukriya...Prateekjee ki kavita ko prastut karne k liye....

Prateekji aapne bhi badi sunder pesh-kash ki hai...
Aapka tark pasand aaya...vishesh kar ye panktiyen....

"pur kalyug mein
satya adig  aur satya atal
satya pragaadh aur satya prabal
jaadu-tone sub nishfal
nahi khilte cactus pur
phool aur fal!!"