Wah kya baat hai VB..ji....
Pyaas bujhti he nahi....
Lo jitni pee sakte ho peelo....
Khatm ho gayee ho sharaab tou ay saaqiya
Kasam tujhe apni mast aankhon se pila de
Ab naa koi paimaana bharnaa hai saaqiya
Ab tou nazrein mila k be-hisaab pila de
Laa pilaa saaqiya or day, bheek day
Jitni bus main ho, utni pilaatay raho
Qatra qatra sahi, tarsaa tarsaa sahi
Tanz seh lain gay hum, muskuratay raho
Laa pilaa saaqiya…
Maan letay hain tujh ko zaroorat nahi
Jaan letay hain tujh ko chalo hum khuda
May-kaday ko sajaya hay kis k leyay?
Konsay marz ki, tu hay aakhir dawa?
Bus yoonhi kheltay or khilaatay raho
Jitni bus main ho, utni pilaatay raho
Laa pilaa saaqiya…
Bheek hoti hay kya? Hum say poochay koi
Phir bhe jaan, zinda rehnay ko baytaab hay
Or ye ehsaas, hum is k kaabil nahi
Qatra, qatra rag-e-jaan ko seemaab hay
Phir bhe hum pay magar, tars khaatay raho
Jitni bus main ho, utni pilaatay raho
Laa pilaa saaqiya…
Aaj k daur main kon kis k liyay
Ik zara si bhe mushkil utha payay ga
Dosti muflison ki bhe achi nahi
May-kadaa tak, yahan par lutaa jayay ga
Door say he sahi, may dikhaatay raho
Jitni bus main ho, utni pilaatay raho
Laa pilaa saaqiya…
Teray ehsaan hain, tujh say shikwa he kya…
Hum say muflis ki jebon main tha kuch nahi
Bheek dena agar, band kar bhi diya
Hum ye samjhen gay peechay bacha kuch nahi
Hum say aisay na nazren, churaatay raho
Jitni bus main ho, utni pilaatay raho
Laa pilaa saaqiya…
*-------------------------------------------------------*
kisi k pyar main likhay huvay geeton k gulaab
aaj baazaar main layaa hon, khareeday ga koi?
*-------------------------------------------------------*
on eTI community..
