Lazim tha ke dekho mera rasta - By Mirza Ghalib

Ghalib's ghazal on his son's death:

lazim tha ke dekho mera rasta koi din aur
tanha gaye kyon ab raho tanha koi din aur

mit jayega sar, gar tera paththar na ghisega
hoon dar pe tere nasiya farsa koi din aur

aaye ho kal, aur aaj hi kehte ho ke jaoon
mana ke hamehsa nahin, achcha koi din aur

jaate hue kehte ho qayamat ko milenge
kya khoob, qayamat ka hai goya koi din aur

nadaa-n ho jo kehte ke kyon jeete hain GHALIB
qismat mein hai marne ki tamanna koi din aur