maa, tum laut aao na....

Maa, tum laut aao na......

Hai jindagi kee dagar badi kathin,
Kaise chalun ispe tum bin,
Kahan hai mudna, kahan hai rukna,
Kahan hai akadna, kahan hai jhukna,
Kahin raaste ko badalna hai,
Kahin gir ke fir sambhalna hai,
kahin bhavon mein behna hai,
Kahin ghavon mein sehna hai,
Ek baar jindagi ka paath padao na....
Maa, tum laut aao na...

Hai rishton mein badi uljhan,
Kaise samjhoon ise tum bin,
Kaise sabko khush rakhna hai,
Kaise sabka maan rakhna hai,
Kyon apne bhi lagte begane hain,
Kyon kisse wahi purane hain,
Kaise khud ko pehchanna hai,
Kaise dusron ko jaanna hai,
ye sab mujhko batao na....
Maa, tum laut aao na.....

Karta hun galti prati din,
Koun sudharega mujhe tum bin,
aaj bhi saamaan apni jagah nahin rakhta hun,
Aaj bhi paani kee botal nahin bharta hun,
Chad jata hun bistar pe geele pair leke,
Aaj bhi so jata hun bina chadar leke,
Der se soke der se hee jaagta hun,
Din bhar aaj bhi idhar udhar bhaagta hun,
Gusse mein aaj bhi khana chhod deta hun,
Pehle tum khila deti thi ab bhookha hee so jata hun,
Ee baar fir se daant lagao  na.....
Maa, tum laut aao na.....

so moving!.... kamaal ki peshkash hai 'aru ji!....duniya ke sab se muqaddas rishte ko salaam karte hue aapko meri dhero daad aur dili mubaarakbaad pesh hai!!

Rab ne MaaN ko ye azmat-e-kamaal dee
uski duaanoN par, aayi har bala taal dee
Quraan ne maa ke pyaar ki kuchh yun misaal dee
ke jannat uttha kar MaaN ke qadmoN me daal dee!!

just speechless b'ful  very touchy simply superb
 

bahut khoob

 

thanx alot shara jee....aapne ise pasand kiya uske liye shukriya........

thanx a lot aarish jee

thanx a lot sksaini jee........