Mai Jeena chahta hu.. ...Saavan

Mai jeena chahta hu.. Saavan
Mai jeena chahta hu..

Waha jaha koi jati na ho, koi bhed na ho
Apne padosi se jaha koi khed na ho,

Jaha rishte na ho, kasme na ho, wade na ho,
Ik duje se ladne ke jaha irade na ho,

Jaha jism-e-faroshi ka prachar na ho
Rupaye paiso ka jaha bhrastachar na ho,

Jaha Amiri ke pichhe koi aniti na ho
Garibi ko lekar jaha rajniti na ho,

Jaha kisi ki koi majboori na ho
Jaha dilo me kisi ke koi duri na ho

Jaha Mandir na ho na koi Masjid ho
Jaha Dharmo ko lekar koi jid na ho,

Jaha na Hindu ho na ki Musalma
Jaha na koi Puja ho na padhe koi Kalma,

Jaha na Gum ka samander ho na Khushiyo ka manjar
Jaha na Atit ki chinta ho na Bhavishya ka der,

Jaha Gharo ke aangan me diware na ho
Jaha ki zami pe Sarhad ki darare na ho,

Jaha mile koi to puchhe kahiye kaise aaye
Ye na puchhe ki waha gaye the kya laye,

Jaha koi Police na ho, Na koi apradhi ho
Jaha kisi ke mann ki baat adhi na ho,

Jaha koi afsar na ho, na koi naukar ho
Jaha kisi ke kadmo pe kisi ka 'Ser' na ho,

Jaha ke Bujurg Lachari me bikhrte na ho
Jaha ke Bachhe Bhokh se marte na ho,

Jaha Maut ka kisi pe Raaj na ho
Jaha jindagi kisi ki Mohtaj na ho,

Yaha se kahi dur le chalo Saavan mujhko
Yaha se bahut dur..

Yaha to sab kahte hai... "Ye mera hai, wo mera hai.."
Yaha to Suraj ke rahte bhi charo or Andhera hai,

Yaha kisi na kisi ki her pal Ruswai hai
Yaha ki mahfilo me bhi Tanhai hai,

Meri Saase tham rahi hai
Meri Nabze jam rahi hai,
Na jane kyu Saavan..
 Mera dill machal raha hai

Mujhe yaha se dur le chalo Saavan..
Mera 'Dam' nikal raha hai...

waah waah