meiN apnay aap ko

meiN apnay aap ko ab is tarah saNbhalooN ga
nikal kay dasht meiN nacha naheiN tau gaa looN ga

naye khayaal ki titli agar na haath aayee
puranay rung say titli nayee bana looN ga

yaqeeN ki aakhiri bazi ko ab bachana hae
duaa ka aakhiri sikka naheiN uuchHalooN ga

huuwa talaash meiN haayel mira hi saNg.e.wujood
isay hata kay hi apna pata nikalooN ga

woh mujh say rootTh kay daaman bhigoye baitThi hae
meiN apna deeda.e.tar day uusay manalooN ga

jami hi jaati hae yaadoN peh teer'gi laikin
tiray khayaal ka bujhta diya bachalooN ga. (NM)

thax waheed bhai............................................. ..............