Mere Khwaab.....( Ghayel ):Shayri-E-Dard

Sajid_Ghayel

Guest

Kuch paaleiN hai maine bhi
In aakho ke aaNgan me
Kabhi tumko bhi milwaooga
Mai apne in khwabo se

In aakho ke aaNgan me, yeh shor bohat machateiN hai
Kabhi geele geele ukta kar, aakho se baher aa jaateiN hai
Par jaise bhi hai apne hai, mai inko samjha leta hu
Phir chun kar ek ek geele sapne ko, aakho me chipkata hu
Kabhi tumko bhi milwaooga
Mai apne in khwabo se

Tum milkar inse janogi, yeh kitne tumse lagte hai
Mere khwab tumhara aaina, bas tum jaise hi dikhte hai
Ek parchaiee si bankar tum, aakho me ab rehti ho
Roz naye shringaar me tum, in aakho me sawarti ho
Kabhi tumko bhi milwaooga
Mai apne in khwabo se

Yu pana tumko mushkil to nahi, pana chahu to paa lu shayed
Par darta hu tumko paaker, yeh khwaab mere mit jaayege
Kya main inke bin reh paooga, kya yeh mere bin reh paayege
Khwabo ko mere tum ab, khwab hi rehne do janaa
Jo mil jaaye tumko fursat, tum milne insey aa jana
Kabhi tumko bhi milwaooga
Mai apne in khwabo se

Kuch paaleiN hai maine bhi
In aakho ke aaNgan me
Kabhi tumko bhi milwaooga
Mai apne in khwabo se

Sajid Ghayel


	Logged

Similar Poetry and Posts (Note: Find replies to above post after the related posts and poetry)
	Mere Khwaab... by Aryaan in Shayri-E-Dard « 1 2 All »
	Mere Khwaab Mere Sapne... by Aryaan in Shayri for Khumar -e- Ishq « 1 2 All »
	!!!! Khwaab Mere !!!! by waheed_rose2004 in Shayri-E-Dard
	~~~ Mere Khwaab~~~ by waheed_rose2004 in Shayri for Khumar -e- Ishq
	Mere jo khwaab the by ehsaas chahat ka in Shayri-E-Dard