Meri qismat ko wo ay kaash! badaltaa dekhe

by Ghulam Haider on November 05, 2014, 10:59:21 AM

Yoindia ShayariAdab > Shayri ( Poetry ) or Shayari > Shayri-E-Dard > Topic: Meri qismat ko wo ay kaash! badaltaa dekhe

Pages: [1]

Author

(Read 962 times)

Ghulam Haider

Guest

Meri qismat ko wo ay kaash! badalta dekhe.
Zindagaani ki naie raah pe chalta dekhe.

Apne jis husn pe rahta tha wo har dam maghroor,
Waqt ke saath wo us husn ko dhalta dekhe.

Ishq hai mujh ko jo har waqt jawaaN rehta hai,
Shama' ki tarh se wo khud ko pighalta dekhe.

Mera dushman hai jo be dard ba-sad hasrat o yaas,
Mere dil ka har ek armaan nikalta dekhe.

Us ne jo aag lagaaie thi a'daavat me meri,
Khud ko be dil wo usi aag meN jalta dekhe.

Chaahta tha ke wo dekhe mujhe barbaad magar,
Mujh ko Haider wo sadaa phoolta phalta dekhe.


	Logged

Similar Poetry and Posts (Note: Find replies to above post after the related posts and poetry)
	Kaash Koi Meri Kadar Karta,. by Azeem Azaad in Shayri-E-Dard « 1 2 All »
	KAASH !! MERI JINDGI ME HI NA ATE TUM....MKV by mkv in Shayri-E-Dard « 1 2 All »
	Ya rabb meri qismat ko aise jagmaga de...............................Aqsh. by aqsh in Shairi for Manzar -e- Kudrat « 1 2 3 4 All »
	BADALTAA MAUSAM by surindarn in Miscellaneous Shayri
	Jab dekhe tu ek nazar meri or - Shikha by Shikha sanghvi in Shayri for Khumar -e- Ishq

Iftakhar Ahmad

Guest

Re: Meri qismat ko wo ay kaash! badaltaa dekhe

«Reply #1 on: November 05, 2014, 05:04:20 PM »

waaaaaaaaaaaaaaaaaah bahut khoob Ghulam Haider saaheb, achhi ghazal kahi hai, dheroN daad.


	Logged

surindarn

Ustaad ae Shayari

Rau: 273

Offline

Waqt Bitaya:
134 days, 2 hours and 27 minutes.
Posts: 31520
Member Since: Mar 2012

Re: Meri qismat ko wo ay kaash! badaltaa dekhe

«Reply #2 on: November 05, 2014, 09:19:09 PM »

waah waah waaaaaaaaaH, dheron daad Rau ke saath.
icon_flower


	Logged

laaiba

Guest

Re: Meri qismat ko wo ay kaash! badaltaa dekhe

«Reply #3 on: November 06, 2014, 09:25:14 AM »

waah laajawab, bohat c daad


	Logged

Ghulam Haider

Guest

Re: Meri qismat ko wo ay kaash! badaltaa dekhe

«Reply #4 on: November 20, 2014, 03:40:35 AM »

Quote from: Iftakhar Ahmad on November 05, 2014, 05:04:20 PM

waaaaaaaaaaaaaaaaaah bahut khoob Ghulam Haider saaheb, achhi ghazal kahi hai, dheroN daad.

Mohtaram Iftakhar Ahmad Sahib aap ki zarrah nawaazi ke liye tah e dil se shukr guzaar hooN. Allah aap ko shaad o aabaad rakhe.


	Logged

Ghulam Haider

Guest

Re: Meri qismat ko wo ay kaash! badaltaa dekhe

«Reply #5 on: November 20, 2014, 03:44:13 AM »

Quote from: surindarn on November 05, 2014, 09:19:09 PM

waah waah waaaaaaaaaH, dheron daad Rau ke saath.
icon_flower

Biraadaram surindarn Saahib aap ki pur khuloos daad aur khusoosan rau ke liye be had shukr guzaar hooN. Sadaa khush raheN.


	Logged

Ghulam Haider

Guest

Re: Meri qismat ko wo ay kaash! badaltaa dekhe

«Reply #6 on: November 20, 2014, 03:50:40 AM »

Quote from: laaiba on November 06, 2014, 09:25:14 AM

waah laajawab, bohat c daad

Mohtaramah laaiba Saahibah tahiyyah tayyebah!
Aap ki tavajjoh haqeer ke kalaam par huie ye mere liye baRi khushi ki baat hai.
Daad o sitaaish ke ke liye intihaayi tashakkur.
Hameeshe khush o khurram basheed.