Mujhe bas insaan rehne do...

Mat chedo is dil ko, dafan isme tufan rehne do.
Is toote dil ke aangan ko yun hi veeran rehne do.
Jo hame apna khuda kehte hain aur wo hi hame barbad karte hain,
Mat banao mujhe khuda yaaron, mujhe bas insaan rehne do.

Is duniya me koi kisi ka nahi, sab matlab ki yaari hai.
Deen-Imaan bhula kar sabne lagayi khud ko paise ki bimari hai.
Khun choos kar garibon ka apna makaan banane walon ko ham door se hi alvida kehte hai.
Mujhe jarurat nahi aise makan ki, mera ghar yun hi veeran rehne do.
Mujhe bas insaan rehne do.

Main to fakeer hoon, samajh nahi mujhe duniyadari ki.
Khushi mujhse sambhalti nahi, ye haalat hai meri lachari ki.
Main to bas ek raahi hoon is badnaam duniya ki benaam manjil ka.
Meri jindagi yun hi gumnam rehne do.
Mujhe bas insaan rehne do.

Is dil me kuch bhuli hui yaadein hain, Kuch ankahi baatein hain.
Sang mere gam me doobi meri sathi ye tanha raatein hain.
Apne gamo se dusron ko rula sakta hoon, par rote ko hasane ki bhi kabiliyat hai mujhme.
Par mere ladkhadate haathon me "RAAJ" aaj aansuon se bhara ye jaam rehne do,
Mujhe bas insaan rehne do... Mujhe bas insaan rehne do.

Nice

gud one