Mujhe hi koi naya jahan banana padega

Lagta hai ab nagma koi naya banana padega,
Nahi soojh raha mujhe kuch, manjar bahar se lana padega.
Main dil hoon to wo dhadkan hai, aur bina dhadkan dil kisi ka kaam nahi,
Ye use samjhana padega.
Uljha hua hoon main dil ke jajbaaton mein,
Lagta hai dimag kaam me lana padega.
Khwahishein sab adhuri hain meri maangi hain jo bhi khuda se,
Lagta hai ab khuda ko chodd yaar ke dar jana padega.
Kuch na paya sajde kar ke khuda ke,
Ab yaar ko hi rabb banana padega.
Yun to yaar mera bahut masoom hai,
Par use apna rabb banana ke liye manana padega.
Wo jaan kar bhi anjan hai meri halat se,
Mujhe hi khud apna dard sunana padega.
Mahobbat hai mujhe us se is kadar ke us ki khatir jamaane se lad jaaun,
Par darta hoon uski ruswai se, shayad khud se hi juda rehna padega.
Darti hai wo is duniya ke dakiyanusi khayalaton se,
“RAAJ” mujhe hi koi naya jahan banana padega.