Na jany kaisa azaab tha

نجانے وہ کیسا عذاب تھا
جس نے ازل سے سر سبز پہاڑوں کو
سرمئی ہونے پر مجبور کیا تھا
خواب اور خواہشیں دھواں ہوئی
مچلتے بادلوں کو غمزدہ کیا تھا
بادلوں کے آنسو تھے جو تھم نہیں رہے تھے
غم کی سیاہ چادر
چاروں سمتوں سے سرمئی پہاڑ کو لپیٹ رہی تھی
ساری فضا نوحہ کناں
آؤ غم خوارو ....
یہاں اپنے پیاروں کی نشانیاں ڈھونڈو
وہ دیکھو دلہن کی بالی
وہ دیکھو بچوں کے کھلونے
وہ دیکھو ادھ جلا دوپٹہ
وہ دیکھو گھڑی
جس میں ابھی تلک وقت دوڑ رہا ہے
وہ دیکھو ایک چھوٹی سی قمیض
احساس و لذت سے عاری آگ
ہمارے پیاروں کو دسترخوان نہ بنا
کیا تمہیں نظر نہیں آتی
یہاں ہر آنکھ میں آنسو ہے
ہر دل میں بوجھل ہے
اشک بار آنکھوں میں ڈولتی
رفتہ رفتہ ڈوبتی امید کی ناؤ
کیا تم سن نہیں سکتی
ائر پورٹ سے گونجتی ہوئی سسکیاں ،
عرش کو ہلاتی ہوئی
اپنے پیاروں کی زندگی کی دعائیں
کیا تمہیں رحم نہیں آتا ؟
میرے مالک رحم
دکھ کی پرچہایوں میں
آس کی دیے اب تلک ٹمٹماتے ہیں
ہمارے غمزدہ دلوں کو
مزید نڈھال نہ کر
ہمیں اپنے صبر اور رحم سے نواز