Na Kamal-e-Fun Hi Mila Mujhe - Not Mine (Shayr Unknown to me)

na kamal-e-fun hi mila mujhe na jamal-e-husn khayal ka
main to na tamam jawab hoon kisi doosre ke sawaal ka

mere saye se na simat saka tere mere dard ka fasla
karain zindagi ke supurd kya ye to silsila hai malal ka

mere aaino main jami rahi woh jo raig-e-dasht-e-farak thi
mujhe phir aseer na kar saka koi rung mazi-o-haal ka

kahein kya kise, koi kya sune ye hadees-e-dil ka maumla
na fasana laila-o-qais ka na hai qisa heer o sayal ka

jise khojti hi rahi sada tere harf harf main roz-o-shab
teri ankh main tha chupa huwa woh jawab mere sawal ka

bahutbahut khoob integha he ye too...

jisne bhi likha he laakhon daad ~ ke kaabil he