Parchayee

Kyon main intezaar mein baitha hoon,
Uss parchayee ki.
Jo ujale mein tow saath ka vada karti hai,
par zindagi ke andhere mein goom ho gayi hai kahin.

Talaash raha hoon usse aaj kisi umeed se
jabki mujhe maloom hai, woh nahin hai kahin.
Yeh intezaar khatm kyon nahin hota,
aakhir kab khud ki parchyee se mulaqaat hogi?
Jabki har ek ki parchayee mandra rahi hai,
aur talaash rahi kisi wazood ko.
Jisme woh sama sake,
Reh sake umra bhar ke liye.

Woh parchayee kyon nahin milti mujhe?
jabki mere intezaar tak ki parchayee saath hai intezaar ke.

Lagta hai yeh intezaar mujhe,
yahin par khatm karna hoga.
Din ke saaye ko bhi chorkar
mujhe har waqt sona hoga.

vipin
...ek shoonya