SABRA KA IMTIHAAN

mere Sabar Ka Na Lay Imtihaan meri Khaamoshi Ko Sadaa Na De
Jo tere bagair Na Jee Sakay use Jeenay Ki Too Duaa Na de

tu Azeez Dill-o-nazar Se Hai Tu Qareeb Rag-o-jaan se hai
mere Jism-o-jan Ka Yeh Faaslaa Kaheen Waqt Aur Badha Na de

tujhe Bhool ke Na Bhulaa Sakoon Tujhe Chah ke Bhee Na Paa Sakoon
meri Hasratoon Ko Shumaar Kar meri Chahatoon Ka Silaa Na de

Wo Tadap Jo Shula-e-jaan Main Thee Mere Tan Badan Se Lipat Gai
Jo Bujha Sake To Bujha Isay Na Bujhaa Sakay To Hawaa Na Day,

tujhe Gar Mile kabhie Fursatain meri Shaam Phir se Sanwaar de
Gar Qatal Karna HaiTo Qatal Kar Yoon Judaaiyoon Ki Sazaa Na de