Shola-e-ghum ko

Shola-e-ghum ko tu seene meiN dabaa rehne de
dil se kuch door hi hasrat ki hawaa rehne de

baad marne ke dikhaave ke ye aaNsoo kyoNkar
meri mayiyat pe ye jeene ki duaa rehne de

shahar-e-tanhaii meiN to chain se jee looN do pal
apni yaadoN se zaraa mujh ko bachaa rehne de

na bataa tu mujhe aNjaame judaii kya hai
kuch to baqi abhi ulfat meiN mazaa rehne de

uske aane ki bahut aas abhi zinda hai
us se milna hai abhi, mujh ko qazaa, rehne de

wah hussainji,ek baar phir aapne bohat hi khoob likha hai,excellent work.

bahut sahi hussain.......................................... .................

ur welcome.........hussain.......................... ..........................