thoda dard hota hai

sard jaado ki narm dhoop mein,
thithurti thandi teri yaadon ke
jab panne palat ke dekhta hoon,
to dard hota hai,
thoda sa dard hota hai...........

baarish ke seele hue din mein,
nam bistar ki uljhi silvaton ko,
jab bichha ke late jata hoon
to dard hota hai,
thoda sa dard hota hai......

sulagti loo ke thapedon mein,
usi aam ke ped ki chhaon ki
yaadon ki god mein so jata hoon
to dard hota hai,
thoda sa dard hota hai..........

jawan mausam ke rangon mein,
jab phoolon mein teri tasveer ke
badalte roop ko dekhta hoon,
to dard hota hai,
bahut dard hota hai............

Agree with Rajbir Veer ji!!! Good job Anupam ji!!