Tujh ko dalil-e-Ishq se qayal na ker saka

Tujh ko dalil-e-ishq se qayal na ker saka
Manzil main apne shooq ki hasil na ker saka

Is dil ko mai.N hazar ha kooshish ke bawajood
Tere hasee.N khayaal se ghafil na ker saka

Shab bhar chiraagh ki tarah jalne ke bawajood
Khud ko ye chand yaar sa kamil na ker saka

Maqtal mai.N per rakhte he jaa.N se guzar gaya
Mai.N imtahan-e-bazo-e-qatil na ker saka

Roo roo ke tere yaad mai.N aa.Nkhoo.N ne raat bhar
Wo kaam ker diya ke jo badal na ker saka

Ho maazrat qabool ke mai.N aql ko kabhi
Ruste mai.N apne shooq ke hayal na ker saka

Dasne se zulf ke nasha aankhoon pe jo charha
Us ko tu waqt bhi kabhi zayal na ker saka

Shooq: jaise aap ko kuch kerne ka shooq ho, affection for something, motivation for some thing, love