tumhain ham saath rakhte hain

Tumhain ham saath rakhte hain.
Tumhaari yaad se dil ka nagar aabaad rakhte hain.
Tera mehtaab chehra.
Or gehri jheel si aankhaen.
Haseen palkain.
Tera lehja.
Tera voh khil-khilaana.
Or kisi bhi baat par hansna.
Voh phir kuchh sochna.
Or soch kar gum-sum sa ho jaana.
Khayaalon or khaabon main hamaare saath rehta he.
Tumhain ham saath rakhte hain.
Tumhain ham yaad rakhte hain.
Kisi k saath chalna ho.
Kisi se baat karni ho.
Kisi ka pyaar se takna.
Kisi bhi phool ka khilna.
Koi bhi geet gaate hon.
Koi bhi shair parhte hon.
Tumhain ham saath rakhte hain.
Suhaani raat hoti he.
Teri hi baat hoti he.
Vahaan ek chaand hota he.
Tera yeh phool sa chehra.
Mujhe chaand main dikhta he.
Fizaaon main.
Havaaon main.
Teri khush-bu bikharti he.
Tumhain ham saath rakhte hain.
Tumhain ham yaad rakhte hain.
Tumhaari yaad se dil ka nagar aabaad rakte hain.
farookhi ji

thanks for sharing prince ji

bahut umdah waah Prince Jee.