Unkay Qadmon Main Hee Kahi Ab Mera Aashia Ho Gaya

toot kay chhahna kisi ko mera to khata ho gaya,
kush door mere sang chala phir mujh say juda ho gaya......

wada -e- wafa ki mujh say karta thaa jo tawwako,
na janay ajj kaya hua wo mujh say bewafa ho gaya......

seesha-e-dil main unki tasveer laga rakhi thee maine,
dil jo toota unka akas har taraf har jagha ho gaya.....

mujh main or us main ajeeb hai kurbatton ki doori,
wo mere saath hai phir bhee mujh say juda ho gaya......

shayad usko dekh pana ab meri kismat main nahi,
jo kabhi mera khuda thaa ab saach main khuda ho gaya....

usnay jab manga mujh say mere zakhmo ka hisaab,
bhar chuka har zakham mera phir say hara ho gaya......

'Faree 'ko mat juda karo ab unkay qadmon say yaro,
unkay qadmon main hee kahi ab mera aashia ho gaya.......

Shukriya  Waheed Ji