Uska mujhe meri aukat batana yaad aa gaya...Raaj

Unka mujhe pehli baar dekhna achanak yaad aa gaya.
Unki yaadon ka hujoom fir se mere khwabon pe chaa gaya.
Mulakat kuch aise hui thi hamari yaaron,
Dekha use to bas dekhta hi reh gaya.

Mile the hum ajnabi ki tarah, na jane kab ik-doosre ke paas aa gaye.
Bina kuch kahe samajh jate ik-dooje ke ankahe ehsas,
Kuch is tarah dil paas aa gaye the.
Chic-chipa kar duniya se, haule-haule baatein karna yaad aa gaya.

Yaad aa gaya uska wo man-mand muskurana.
Yaad aa gaya uska wo jhatke se julfon ko hatana.
Dekhti thi jab bhi mujhe, maare haya ke najrein neechi ho jati.
Uska wo najrein jhukana aur jhuka kar uthana yaad aa gaya.

Yaad aa gayi mujhe uski wo sadgi.
Yaad aa gaya uska wo alhadpan, wo bachhon sa khilkhilana.
Apni hi baaton par mujhse naraj hona,
Aur fir uska kaan pakad kar maafi maangna yaad aa gaya.

Yaad aa gayi wo judai wali ghari.
Yaad aa gayi wo galatfehami badi.
Jaane kya mila jamane ko di dilon ko juda kar.
Dekh meri barbaadi ka manjar jamane ka hasna yaad aa gaya.

Chahat to abhi bhi hai usse milne ki.
Ik ummed abhi bhi baaki hai dil khilne ki.
Fir bhi darta hai dil uske saamne jaane se.
Dekh meri muflisi, uska mujhe meri aukat batana yaad aa gaya.

bohut khoob ,

very nice

Yaad aa gaya uska wo man-mand muskurana.
Yaad aa gaya uska wo jhatke se julfon ko hatana.
Dekhti thi jab bhi mujhe, maare haya ke najrein neechi ho jati. Uska wo najrein jhukana aur jhuka kar uthana yaad aa gaya.

good one..