vo dil nasiib huaa jis ko daaG bhii na milaa

by qakhs on October 02, 2004, 04:03:27 PM

Yoindia ShayariAdab > Shayri ( Poetry ) or Shayari > Shayri-E-Dard > Topic: vo dil nasiib huaa jis ko daaG bhii na milaa

Pages: [1]

Author

(Read 836 times)

qakhs

Guest

vo dil nasiib huaa jis ko daaG bhii na milaa
milaa to Gam-kadaa jis me.n chiraaG bhii na milaa

ga_ii thii kahake mai.n laatii huu.N zulf-e-yaar kii buu
phirii to baad-e-sabaa kaa dimaaG bhii na milaa

asiir karake hame.n kyo.n rihaa kiyaa saiyaad
vo ham-safiir bhii chhuuTe vo baaG bhii na milaa

bhar aaye mahafil-e-saaqii me.n kyo.n na aa.Nkh apanii
vo be-nasiib hai.n Khaalii ayaaG bhii na milaa

[

chiraaG leke iraadaa thaa baKht Dhuu.NDhate
shab-e-firaaq thii ko_ii chiraaG bhii na milaa

Khabar ko yaar kii bhejaa thaa gum huaa aisaa
havaas-e-raftaa kaa ab tak suraaG bhii na milaa


	Logged

Similar Poetry and Posts (Note: Find replies to above post after the related posts and poetry)
	mere nasiib ne jab mujh se intaqaam liyaa by husain52 in Shayri for Khumar -e- Ishq
	milaa hi nahin by amber ali in Shayri-E-Dard
	ek to na milaa by Sonu in Shayri-E-Dard
	ek to na milaa by Sonu in Songs & Lyrics
	TANHA KISI MAQAAM PE BAITHA HUAA MILAA by SAMAR ZAIDI in Tarruf Yoindia Sae : Give your Introduction

qakhs

Guest

vo dil nasiib huaa jis ko daaG bhii na milaa

«Reply #1 on: October 07, 2004, 06:51:45 AM »

sunaa karo merii jaa.N in se un se afasaane
sab ajanabii hai.n yahaa.N kaun kis ko pahachaane

yahaa.N se jald guzar jaao qaafile vaalo.n
hai.n merii pyaas ke phuu.Nke hue ye viiraane

merii junuun-e-parastish se ta.ng aa gaye log
sunaa hai ba.nd kiye jaa rahe hai.n but-Khaane

jahaa.N se pichhale pahar ko_ii tashnaa-kaam uThaa
vahii.n pe to.De hai.n yaaro.n ne aaj paimaane