Vridha Ashram - Mata Pita ko kyun bhoolte ja rahe hain hum

Doston

is rachna me maine ma-baap jo ki poori zindagi de dete hain apne bachhon ke lie
aur bachhe bhi jab tak chhote hote hain is baat ko apne dil apni rooh se maante hain
par bade hote hi hum badalne lagte hain,us vaqt ka dard bayaa karma mushkil hai
jab bachhe bade hoke apne parents ko chhod dete hain,ma baap(valid valida)
ke us dard ki koi seema nahi hoti..Isi vajah se aaj hum payenge ki
Vradha-Ashram or Old men homes jaisi cheezen hamari society me hain
Jo ki nahi honi chahiye..


Well, in this poem I have tried to write that pain which parents feel when
they are being left by  their  son. As it is widely spread in our society
sambodhan me main bauji , valid,papa etc use kiye hain and i agree the poem
seems to be little long but i did not shorten it

Beta yaad hai tujhe kaise papa kahna humne sikhaya tha
Tu tutlata tha aur tujhe baat karma sikhaya tha
Islie nahi ki vo mera farz tha kartavya tha
Vo to tha hi par islie ki tu mera beta tha
Aaj is makaan me kahin jane baiothne ki ikchha nahi hoti
Har taraf teri yaaden hume jhajhondti rahti
Kahin bachpan ke tere khilaune ab bhi saje hain
Kahin tere bachhon ke kapde pade hain
Beta ye kaisa dard tune apne baap ko dia
Jab tere bachhe jawaan hue tune hume chhod diya
Main kisse fariyaad karun ye baat kahun
Aur Khuda ko bhi kya yaad karun ye baat kahun
Maine poora jeevan apne bachhon me hi to lagaya
Parvarish ki unki aisi behtar se behtar insaan banaya
Par tu jo apne pariwaar ke saath gaya phir laut ke na aaya
Ye dukh mujhe andar hi andar  todta jar raha hai
Maut ka har kadam meri saanson se jeet.ta jar raha hai
Aaj bhi mujhe tujhe baahon me leke tahalna yaad aa raha hai
Kaise tujhe main lori sunata,teri maa se chhupke tujhe uthata
Hum dono ma-baap ki aakhon ka tara hai tu sada rahega
Praan chale jaayen beta par  season  me tu hi rahega
Yaad hai tujhe school chhod ke jab main aaya tha
Ghar me rahke bhi teri maa ka kaleja bhar aaya tha
Us din vo le aayi tujhe ghar vapas mere lalla
Aur tune pehla din school ka ghar me manaya tha
Jab bhi tujhe neend na aati teri maa bhi na so pati
Tere son eke baad bhi vo tujhe gana sunati rahti
Kabhi jab bichauna tu geela kar deta vo jag jati
Apni jagah sulake tujhe vo teri jagah so jati
Tujhe jo banna tha humne banana me madad ki
Aaj tu kabil ho gaya to yaad bhi hamari na besabab ki
Beta mere liye nahi to apni maa ko yaad kar kabhi aa
mujhe khush rakhne ke lie muskurati,uski hansi use de ja
yaad karma apni maa ki mamta ko jee bhar kabhi
kaise bachpan me usne teri maang par tujhe do do cycle dila din
teri kitaaben aaj bhi humse baaten karti hain
teri bhari hui copiyan bhi beta sadi lagti hain
aisa lagta hai ki abhi tu aayega meri god me baithkar unme likhta jayega
mere lie na sahi apni maa ke liye aa
ho sake to apne buzurg ma baap ko kuch pal khushi ke de ja
beta ab to tera beta beti bhi to bade  ho gaye
unhe hi bol kabhi apne dada dadi se ja mil aa
bahu se kahna maa ki baton ko dil se na lagaye
vo haq me gussa karti hai ho sake  to ab bhi laut aaye
teri maa ki aakhon me khushk aasun dekhe nahi jate
tere jaane ke baad niwaale bhi uthaye nahi jaate
hey upar vale ye tune kaisa andher kia
valid valida ko kyun bachhon ki nazar me banne kanta dia
aye Khuda ye bata maine kya kami apni ibadat me rakhi
aaj apne bete se hi hume pal pal ghutne ki sada mili




Lalla mere mere lie to tu ab bhi vohi chhota bachha hai
Tu bhale door chala ja main nahi manti tu nahi sachha hai
Lalla kaisa hai tu,aur mere nati natin kaise hain
Roz  poochti hun bhagwaan se ki sab kaise hain
Lalla tum gaye kya ye jeevan hi jaise khatm ho gaya
Main to theek hun tumhare bauji ka sir jhuk gaya
Aaj bhi koi aas pados vali tumhe bhala bura kahe to sunti nahi
Phir chahe vo saamne bhi mil jaye baat karti nahi
Par beta akele me sochti hun to jee kaanp jata hai
Tere papa khulke kab hanse nahi yaad aata hai
Tu umr ke is mod par alag hua ki kya kahun
Kuch hi saal to hume jeene the ab kya jiyun
Lalla kabhi niklo iadhar se to apne bauji se bhi milte jana
Vo to jhootha hi gussa karte hain dil se na lagana
Unko dekhti hun beta to hausla saath chhod deta hai
Unhe tanhaayi me kahte sunti hun,kabhi tujhse kabhi rab se baat karte dekhti hun
Mere saamne to theek rahte hain par akele me ghutke rote dekhti hun
Lalla vo tujhe tum sab logon ko bahot chahte hain
Hamesha hi holi diwali Eid par raah dekha karte hain
Jab tum nahi aate ho to beemaari ka bahan karte hain
Khali pet nahi sona chahiye par vo so jate hain
Main to maa hun lalla mujhe tumse koi shikayat nahi
Aur tere Abba bhi nahi mante tujhe unse mohabbat nahi
Tu jaisa rah khush rah mere laal teri maa ki yehi dua hai
Hamari umr bhi tujhe mile humne rab se bhi yehi dua hai
Beta tu aayega to tere kaan kheechungi aur tujhe bataungi
Ho gaya hoga tu bada par main to apna lalla hi janungi
Beta har khaas din par aaj bhi teri pasand ki cheezen banati hun
Tu aayega aaj zaroor ye sochke unhe banati hun
Kahin zaayka tujhe pasand aaye na aaye badi shiddat se banati hun
Phir unhe rakhke baar baar darwaaze se bahar jake dekhti hun
Tu nahi dikhai deta tere abba mujhpe hanste hain ki ye kya kar rahi ho
Tera beta ab na aayega kise bula rahi ho
Tu nahi aata to khidki par se dekhti hun
Tere na aane par bhi kadmon ki aahat sunti hun
Teri pasand ki sevayi abki baar bhi maine banayi thi
Lalla tujhe apne janmdin par bhi maa ki yaad na aayi thi
Jis din bahot yaad aati hai teri tere khilaune uthati yun
Jine tere aur  apne nati natin sang kheli unhe seene se lagati hun
Kabhi kabhi tera vo dost bachpan ka aa jata hai
Kabhi apni ma kabhi bauji ko saath lata hai
Phir  hume tasalli ke lie kahta hai
Ki tu apne maa bauji ko bahot yaad karta hai
Tere papa ko to beta hamesha teri hi rat rahti hai
Unki season ka moti tu unme teri yaad rahti hai
Beta bus itna yaad rakhna ki tere mata pita tere saath hain yaad rakhna
Apne bachhon ko bhale na humse milne de,unhe par  aisa na karne dena
Bahu ko maine apni beti hi jana use hamare baad bhi humse ashish hai milna
Teri maa aur kya kahe beta,tu mujhse na sahi apne papa se milne aa ja
Bahot nakhre se laad pyaar se tujhe pala humne,unhe nab hula ja
Aur kya kahun beta dhan daulat hamari sab kuch to hamara tum ho
Bus yehi dua hai ma-baap se unki aakhon ka tara na kabhi gum ho
Kabhi teri apne apne nati kabhi bahu aur kabhi natin ki yaad aa jati hai
Aksar sapne me tum sab ki soorat dikh jati hai
Mujhe beta teri fikar abhi bhi rahti hai
Maa maa ki aawazen tera chehra aakhon me gholti rahti hain
Aksar neend khul jati hai apni hi awaaz sunke ki
Lalla ghar me sab theek hai na
Lalla ghar me sab theek hai na

Bahoot Hi Umda peshkash aur bahoot behtareen kalam pesh kiya hai aapne. 

agree with your Comments Angel..

 :icon_salut:Bahut sach aur dard hai aapke kavita mein Kaash ji,bahut khoob,
wonderful creation.khwaish ji beautiful lines by you.
Bahut dhuk hota hai jab bache Maa baap ko tukra dete hai,
 

Angel shukriya aapka!

Nysha shukriya!

aapka bahut shukriya,khush rahen!