Zakhm-e-tanhaai

ZaKhm-e-tanhai mein Khushboo-e-hina kiski thi
saaya dewaar pe mera tha sada kiski thi

uski raftaar se lipati rahi meri aankhein
us ne mud kar bhi na dekhaa ki wafaa kis ki thi

Waqt ki tarah dabe paanv ye kaun aayaa hai
main andheraa jise samajhaa vo qabaa kis ki thi

aansuon se hi sahi bhar gayaa daaman mera
haath to main ne uthaaye the dua kiski thi

meri aahon ki zabaan koi samajhataa kaise
zindagi itani dukhi mere sivaa kiski thi

aag se dosti us ki thi jalaa ghar mera
di gai kis ko sazaa aur Khataa kiski thi

main ne to Andhaa ban kar bhi andhere kaate
mager ye to bata do ki ye baduwa kiski thi

chhod di kis liye  tune "Nino" duniya
justju si tujhe har waqt bata kiski thi