Aaftaab Aaftaab Rahta Hai..

Toot kar bikhar kar bhi aaftaab! aaftaab rahta hai
usme usi Khuda ka noor hai,nahi vo mehtaab rahta hai


tadap bhi jo mili gham'e'ishq me to chilman bana dala
bahaaron ki duaon ka nahi kabhi sailaab rukta hai


zamane se lia jo zamane ko lauta dia ye kahkar
tumhaare baad bhi Khudaayi ka nahi qarobaar thamta hai



apne hunar se nahi ghamon ke ilm se jana hai
azaab bhi ek had ke baad nahi azaab lagta hai


shama jala di kyun ki rivaaj ye ghar ka ho chuka
karne dete hain intzaar ko jo bhi Intzaar karta hai


har raat ashq mujhse khel saken vo insaan nahi
yun apnaya hai inhe,ek aansoo nahi fariyaad karta hai


karwate halaat ki naseeb ki den kahne ko hai
kaamyaabi ka suraj sirf hausle ke paas rahta hai


maut bahadur ko milti hai khudkhushi kaayron ka kaam hai
zindagi ki dahleez bhi sajda karti hai jo khada rahta hai


"kaash" dekh zalzalon ne bhi haske haami bhar di hai
Khizaaon ka aasmaan bhi haqeeqat ka chand rakhta hai

toot kar bikhar kar bhi aaftaab! aaftaab rahta hai


-@Kaash-