Adab se aao....(Haider):Tanziya aur Tehreekbaksh Shayariyan

Ghulam Haider

Guest

Ahl e bazm Aadaab !
Aap dostoN ki khidmat meN phir aik tazah peshkash le ke aaya hoN, Mauzoo' talkh hai shayad kisi ko koi baat buri na lagegi....Lekin haalaat ka taqaza hai to kehna paRta hai....

Adab se aao, yahaN be adab ka kaam nahiN.
Ye bazm e khaas hai logo! ye bazm e a'am nahiN.

Wo sochte haiN ke jeeteNge jang baatoN se,
Ye aur kya hai jo un ka khayaal e khaam nahiN.

Hai mera kaam mohabbat, hai meri raah wafa,
Qadam uThaoN a'daawat ko mera kaam nahiN.

Khabar to unki ba har Haal mujhko leni hai,
Kisi ka un ki nigaahoN meN iHtiraam nahiN.

Fisaad o shar ke liye muNh uThaye phirte haiN,
Sukoon o amn ho qaaim unheN qiyaam nahiN.

Abhi mujhe nahiN fursat kisi se laRne ki,
Phir un ki TaaNg na toRi to mera naam NahiN.

Meri nigaah se bach kar wo bhaage phirte haiN,
To sochte haiN yahaN koi rok-thaam nahiN.

Khitaab un se hi karna hai bar mala mujh ko,
Ke saamne mere ab aur koi jaam nahiN.

Khuda rHeem hai sab ki niyat se waaqif hai,
Kisi ke haath meN us ka koi nizaam nahiN.

Badal diya mujhe kis ke khayaal ne Haider,
Lagega jaise kisi se duwa-salaam nahiN.


	Logged

Similar Poetry and Posts (Note: Find replies to above post after the related posts and poetry)
	Adab Arz Hai.....My First One by sumit in Shayri for Khumar -e- Ishq « 1 2 All »
	Adab Arz Hai.....My First One by sumit in Mazahiya Shayri(Funny Shayari)
	sab ko adab arz hai by hardstone in Shayri for Khumar -e- Ishq « 1 2 All »
	Aap sab dostoN ko Haider ka salaam ! by Ghulam Haider in Tarruf Yoindia Sae : Give your Introduction
	Poetry ke liye mera mashwarah....Haider by Ghulam Haider in Shayari ki Batein- Sawaal Jawaab

javedarshad

Guest

Re: Adab se aao....(Haider)

«Reply #1 on: July 08, 2010, 04:37:41 PM »

Quote from: Ghulam Haider on July 08, 2010, 02:16:20 PM

Wah Haider Sb wah wah

Jo hain ibnulwaqt aur sher ke shadayee hain
batoon sekab sudherte hain nafs ka naam nahin

javed


	Logged

tamanna.pt

Guest

Re: Adab se aao....(Haider)

«Reply #2 on: July 09, 2010, 02:15:41 AM »

Waah Waah Waah Waah! bahut khoob bahut hi achha likha hai hamesha ki tarah.


	Logged

Ghulam Haider

Guest

Re: Adab se aao....(Haider)

«Reply #3 on: July 09, 2010, 03:40:54 AM »

Pasand karne ke liye shukriya Tamanna ji aur javed Arshad ka. Mera maqsad kabhi kisi ka dil dukhana nahiN hota, lekin kabhi 2 haalaat aise hote haiN ke phir fikr badalni paRti hai.


	Logged

Anshumali

Guest

Re: Adab se aao....(Haider)

«Reply #4 on: July 09, 2010, 12:14:50 PM »

Quote from: Ghulam Haider on July 08, 2010, 02:16:20 PM

Bahut khoob haidar Sahab ..........SuperB Creation... har ashaar ko dil se daad hazir hai...qubuul farmaayen... yunhi aur behtar kalaam ke saath aate rahen... khush rahen....

apna khayal rakhen...
duaaon ke saath...


	Logged

ishk ek ibadat

Guest

Re: Adab se aao....(Haider)

«Reply #5 on: July 10, 2010, 08:23:42 AM »

Quote from: Ghulam Haider on July 08, 2010, 02:16:20 PM

dil se daad haider bhai wah aise hi lihte rahen
duaon ke saath


	Logged

Ghulam Haider

Guest

Re: Adab se aao....(Haider)

«Reply #6 on: July 11, 2010, 02:32:39 AM »

Pasand karne ke liye "anshumali" ji aur "ishk ek ibaadat" ji donoN ka be hadd shur guzaar hoN ke meri is ghazal ko waqt diya aur pasand bhi kiya.
Aap dost bhi hamesha khush raheN aur apna khayaal rakheN.
Mukhlis : Haider


	Logged

mkv

Guest

Re: Adab se aao....(Haider)

«Reply #7 on: July 14, 2012, 10:10:36 AM »

Bahut umda kalaam haider sahab
Kya baat hai
Applause


	Logged

Pages: [1]

Yoindia ShayariAdab > Yoindia Specials > Tanziya aur Tehreekbaksh Shayariyan > Topic: Adab se aao....(Haider)