Khuda bechte hain log Eeshwar bechte hain...Kaash

kuch dino pehle ek train me yaatra kar raha tha,log aksar ye nahi samajhte ki zindagi bhi ek yaatra hai.
I found there a mess, a misunderstanding among people in context of religion. jahan logon me apas me trust deficit hota hai wahan har baat me sirf misunderstandings dikhai degi har baat me misunderstanding hi badhegi.

Ye insaan ko itna samvedanheen bana sakti hai ki wo insaaniyat bhool jaaye aur wohi cheez insaan ko itna samvedansheel bana sakti hai ki wo insaaniyat ke naye mukaam paa jaaye.
Wo cheez hai Dharm/mazhab
To wahan kuch aisi hi baaten ho rahi thi.
Kuch bahut dimaagdaar log Khuda,Eeshwar bhagwaan ke thekedaar bane baithe the, unhone uski apni definition banayi aur chahte the ki baaki log bhi use maane.

mudda ye hai jo maine upar likha and that is
Dharm samvedansheel banata hai ya samvedanheen.
Dharm nafrat sikhata hai ya prem.
Dharm zabran hota hai ya sahaj.
Aakhir aisa kyun hai ki dunia me ab tak jitney bhi dharm hain wo apas me prem badhane ke kaarakon(factors) me kahin bhi nahi lekin dunia me sabse zyaada khoon kharabe ke kaarakon me no 1 hai.Yaani dunia me sabse zyaada ladaiyaan abhi tak dharm aur mazhab ke naam par hui, isse koi fark nahi padta ki ye ladai hindu,islaam,christianity,paarsi,bauddh,jain aadi kin dharmon ke naam par hui.
Pramaanik tathy ye hai ki sabse zyaada log dharm aur mazhab ke naam par hi mare gaye.
Abhi bhi ye rog janmanas ke mano se jaata nahi aur ab to iska raajneetikaran kia jaa raha hai,Bharat jaise desh me kai neta apni party isi jaat waad,sapradaaywaad ke naam se chala rahe hain.Ye bahut hi haasyaaspad sa lagta hai mujhe ki dharm ko na jaanne waale hi uske thekedaar bane baithe hain.

 rachna

Khuda bechte hain log Eeshwar bechte hain
Use shabdon me baandhkar use taulte hain

Seekhta nahi aadmi jangon ki zameen se
Khoon ke sookhe dhabbe bhi kuch bolte hain

Khuda ke naam par Khuda ka vyapaar na kar
Raam Rahim har kahin se tujhe dekhte hain

Dhaarmikta hi dharm hai mere liye e yaaron
Kisi mazloom ke aasun bhi maayne rakhte hain

Wo dhaarmikta nahi jo mazhabi nafrat badhaaye
Aadmi aadmiyat samjhe use hi dhaarmikta kahte hain

ek samvedansheel rachna pe aapko badhai, aapne iska badi hee bhavnaatmak roop se chitran kiya...

bahut khoob