Kya Milega Nafraton ke Beej bone me

doston ye ek soch jo hum sabke andar rahti hai ke upar likha gaya hai,
it is mainly wriiten on negative thinking,jisme hum shak ko vareeyta dete hain
and in turn create only nagetive atmoshphere and even make distances with good n
right ppl who are actually our friends.it is better to overcome from this
state of mind as it only gives disturbsance inside outside,here the poet is
trying to say that peace is in our eyes n attitude



kya mila hai kya milega nafraton ke beej bone me
umr bitani padti hai ikhlaaq ka gulashan banane me
aakhir kyun khud se itne pareshaa-o-ruswa hum ho jate
ki dil manta hai jo sach use khud se bhi nahi kah pate
aakhir kyun har taraf achhai hum nahi dekh pate
uski dhun me bahke apni aatma ko hum sun pate
ye kaisi ahmiyat jo kisi doosre ka sahara leke hume mile
ye kaisi izzat jo kisi aur ki taraf ungli uthake hume mile
kya milega sach ko jhooth aur jhooth ko sach maanke
sooraj sooraj hai raasta bhatkoge to nikloge usi ki roshni se
kyun nahi jahan me harek apna hai ye maan lete
sabke saath chalna hi chalna hai ye jaan lete

ye logon ka pyaar hai jo aaj hume sun aur maan rahe hain
hum shabdon me nafrat bhare aur sunna gunijan chaah rahe hain

ye logon ka pyaar hai jo aadar aur pyaar deta hai
aakhir kyun nahi hume harek ko saath leke chalna yaad aata hai

kyun na band kar do ye kamzarfi ye sitam ki boli
kis ke paas itna vaqt dost jo sune is tarah ki boli
aisa na ho nafraton ki aandhiyan itna badhao
ki dost hokar bhi dil se zakhm na dhopao
aisa na ho bekaar ke shak ko itna badhao
ki dost banne par bhi daaghedil na mita pao

mere tasavvur meri soch tu soch ki tujhe isse kuch na milega
tu abhi tak galat soch me uljha na,na ab tu uljhega
is jahan me har taraf har jagah jaisa tu dekhega,tujhe dikhega
tu jitna cha dekhega utna hi acha tu aur tera tasavvur banega
utna hi logon ka pyaar tujhe milega
utna hi antarman tera shaantmay rahega

Zaroor koshish karoongi Kaash ji,ek baar meri problem solve hojaye .abhi todhi mushkil hai.mean login problem.

Wah wah kaash badi achhi poem likhi hai aapne. Sahi hai nafraton se siwa khud ko jalane ke kuchh nahi milta aur zindagi yun hi guzar jaati hai jaise jiye hi na hon. Jo mazaa bhaaichare aur aapsi pyar mein hai wo algaav aur dushmani me kahan. Kash sabhi aise khayalaat ke haamil ho jayen.