Soteli MA (Step Mother)

ek koshish is Vishay (subject) per meri bhi taraf se... Insaan jo life mai dekhta hai, ussi tarah ki soch uski ban jaati hai...


Kyun her ek soteli ma per Ilzaam ayya hai
Her kisi naari ne, nahi boora karm nibhaya hai
Kokh apni se janam le, uss jaise koi ho nahi sakta
Aor chor de nari, nari se jalan, yah bhi ho nahi sakta!!

Bahoot mushkil hota, yah farz nibhana hai
Jo banati hai soteli ma, bas ussi ne yah jaana hai
Maare jo khud ke bache ko to wo sahi ma kahlati hai
Ussi wajah se maare jo sotele bache ko, to khudgarj, soteli ma kahlwati hai

Ek hi rishta hota hai sirf nari ka apna, yah baat sabne maani hai
Bant jaata hai wo bhi rishta, uske dukh ki kaya bharpaani hai
Pati sirf uski aulad ka nahi baap, yah dukh kisne pahchana hai
Hai koi aor bhi uske jeevan main yah kadva such kisne jaana hai!!

Bacho ne bhi is rishte ka khoob samaj mai fayda uthaya hai
Her ek ki sahnubhuti lane ke liye, jisne ki parwarish, usko boora banaya hai
Her jagah sirf soteli ma hi galat ho nahi sakati
Samaj ko samjhaye kon, jisko yah baat shayad kabhi samjh aa nahi sakti!!